Kannski ættu aðrir flokkar að vera fegnir að verða ekki við stjórnvölinn næstu ár

Alveg hrikaleg spá um nauðsynlegar aðgerðir hér á landi næstu ár hjá Friðrik Jónssyni ráðgjafa hjá Alþjóðabankanum.. Þar má m.a. lesa

Ástandið er þannig að ekki duga nein vettlingatök. Að vera “vondur” við kröfuhafa gömlu bankanna er ekki nóg. Það þarf að vera vondur við alla. Mis-vondur, en vondur samt.

Ef óbreytt gengi krónunnar er vandamál, samanber það sem haft er eftir seðlabankastjóra í upphafi, þá liggur beinast við að það verði að fella gengið – og gera það nógu hraustlega til að ná því niður á sjálfbæran grunn þ.a. hægt sé að afnema höftin. Þetta mun þýða kjararýrnun sem nemur falli gengisins, en laun munu hækka að nýju um leið og viðsnúningur verður í hagkerfinu í kjölfar leiðréttingar þess. Í þessu samhengi er rétt að hafa í huga að gengi krónunnar hefur haldið áfram að falla almennt frá hruni, en meiri gengisfelling hefur verið við lýði fyrir útvalda, í gegnum útboðsleið Seðlabankans. Peningamenn græða en almenningur tapar og vandinn af snjóhengjunum hefur ekkert minnkað, aðeins færst til í efnahagsreikningnum. Samkvæmt nýútkominni skýrslu Seðlabankans og orðum seðlabankastjóra er styrking krónunnar frá áramótum þannig ekki byggð á raunbata í hagkerfinu, heldur einhverju allt öðru, enda sá virki gjaldeyrismarkaður sem þó er á Íslandi mjög grunnur. Rétt er að vona að Seðlabankinn sé hins vegar að nota tækifærið og kaupa gjaldeyri hægri-vinstri til að byggja upp sinn eigin gjaldeyrisvarasjóð.

Og svo segir hann m.a. 

Því er ómögulegt annað en að lausn á vanda gjaldmiðilsins, verðtryggingarinnar, peningamagnsins o.s.frv., og sérstaklega Íbúðalánasjóðs,  feli í sér róttæka uppstokkun á lífeyriskerfi landsmanna.  Í þeirri uppstokkkun eiga menn að horfa til hvað heildarhagkerfinu er fyrir bestu og hvernig réttindi lífeyrisþega í nútíð og framtíð verða best tryggð, ekki skammtímahagsmuna núverandi sjóða. Þjóðnýting lífeyrissjóðanna, en um helmingur eigna þeirra er hvort eð er skuld þjóðarinnar við sjálfa sig, og tvískipting lífeyriskerfins í kerfi almennrar lágmarkstrygginga lífeyrisréttinda – undirbyggt með blöndu gegnumstreymis, sjóðssöfnunar og auðlindarentu – og séreignasparnaðar ætti þar m.a. að koma til alvarlegrar skoðunnar.

Aðrar aðgerðir, eins og eignaskattar, útgönguskattar og afskriftir krónukrafna (og ekki bara þeirra erlendu) eiga einnig að vera uppi á borðinu, að sjálfsögðu. Allir borga, allir tapa – en allir græða þar sem hag- og peningakerfið verður endurstillt og endurræst þ.a. hægt sé að afnema höft, einfalda skattkerfið, draga að fjárfestingu, uppfylla Maastricht-skilyrðin, taka upp aðra mynt, ganga í ESB – eða ekki, o.s.frv. o.frv.

Og þetta þarf að gera yfir mjög stuttan tíma, t.d. strax í sumar.

 Kannski að maður ætti að flytja til útlanda í nokkur ár.  Held nefnilega að von fólks um að hér þurfi bara að lækka lán heimila, lækka skatta á fyrirtæki og forríkaliðið  og þá sé allt í lagi sé bara eitthvað bull sem fólki hefur verið talið trú um af óvönduðum mönnum sem nú eru að dunda sér upp í sveit. 

 P.s. Friðrik er nú gamall framsóknarmaður held ég. 

Kallar á þingmenn eftir þörfum

Athugasemdir

[Jóhann Elíasson, 6.5.2013 kl. 16:55]

Ástandið er svona vegna þess að LANDRÁÐFYLKINGIN og VG (WC) stóðu sig alls ekki í stjórnun landsins á síðasta kjörtímabili.

[Magnús Helgi Björgvinsson, 6.5.2013 kl. 17:11]

Æ ég kaupi það ekki. Þetta er aðallega af því að þjóðin er ófær um að taka slæmum fréttum. Nú vill fólk bara skattalækkanir, hækkun launa og lækkun lána! Það er það sem nýju stjórnvöldin lofa. Og krónuna áfram! Held að fólk verði nú ekki kátt ef það þarf að fella hana um kannski 30 til 50% í viðbót.  Og svo svona uppnefni gera ekkert fyrir mig nema að efast um andlega stöðu þess sem svona skrifar.  Þannig að ef þú hefur svona húmor eða hugsun þá skalt þú bara skrifa það á þína síðu.  Sé ekki öll þessi meintu landráð t.d. og Vg væri líklegra til að berjast gegn mengun vegna WC en t.d. framsókar og sjálfstæðisflokkur. Þeir hafa nú verið frægir fyrir að huga að hagsmunum sinna einkavina fekar en umhverfinu eða fólkinu í landinu. Framsókn t.d. ekki hikað vð að gera bændastéttina að stórum að fólki sem kemst af vegna framfærslu frá skattgreiðendum. Púkka undir þessa um 1000 eigendur alls kvöta hér við land. Og við skulum ekki tala um Sjálfstæðisflokkinn.  Þetta eru held ég meiri landráðaflokkar sem berjast við að hafa okkur almenningi eigur og réttmætar tekjur okkar og færa það fáum.

[Magnús Helgi Björgvinsson, 6.5.2013 kl. 17:12]

Svo ættu nú flokkar eins og framsókn og Sjálfstæðisflokkur að vita þá um stöðunna og boða ekki hér allt fyrir alla ef staðan er svona slæm eins og Friðrik segir.

[Magnús Helgi Björgvinsson, 6.5.2013 kl. 17:16]

[Kalli (IP-tala skráð) 6.5.2013 kl. 17:54]

Staðan er ekkert svona slæm, sama hvað Friðrik Hagfræðingur segir. Innlendar kröfur þrotabúanna verða núllaðar út og skuldabréf Landsbankans líka (enda innlend krafa hjá þrotabrúi). Eftir það er lítill sem enginn þrýstingur á krónuna.

[Magnús Helgi Björgvinsson, 6.5.2013 kl. 18:04]

Skulabréf Landsbankans er held ég erlendt í þeim skilningi að upprunalega var samið við erlenda eigendur Landsbankans gamala að inneignir viðskiptavina yrðu keyptar út úr búinu yfir í nýja gegn skuldabréfi í erlendri mynnt upp á 280 milljarða minnir mig.  Innlendar körfur þrotabúana eiga ekki að núllast út heldur á að nota þær í að lækka hér lán og og um helmingur af þeim eru bankarnir 2 Arion og Íslandsbanki og eignarhlutur þeirra í fullt af fyrirtækjum. Eins eru krónueignir í ríkisskuldabréfum sem ekki er hægt að núlla út.  En vona að ástandið sé ekki svona svart að það þurfi að fella hér gengi um kannski um 30 til 40% í viðbót til að losa um höftinn.

Hann er reynar ráðgjafi hjá Alþjóðabankanum og svo er hér annar sem var hjá AGS sem segir að það séu engar raun eignir fyrir ríkð í þessu krónubréfum sbr. 

Forsendurnar má setja fram í stuttu máli sem hér segir:

1. Allar krónueignir kröfuhafanna eru bókhaldsstærðir en ekki raunstærðir (t.d. gull).
2. Í bókhaldsstærðunum býr óvirkur kaupmáttur en ekkert raunvirði.
3. Krónueign kröfuhafanna er 400 ma. af ríkisskuldabréfum og reiðufé.
4. Framsal til ríkisins á 300 ma. myndi lækka hreina skuldastöðu ríkisins um 300 ma.
5. Heimilisskuldir eru bókhaldsstærðir hjá lánastofnunum.
6. Lækkun heimilisskulda um 300 ma. fer fram með millifærslu af bókhaldsstærðum.
7. Við millifærsluna hækkar hrein skuldastaða ríkisins um 300 ma.
8. Í bókhaldi lánastofnana verður engin breyting á hreinni eignastöðu við millifærsluna.
9. Millifærslan gerir óvirkan kaupmátt virkan til hagsbóta fyrir skuldsett heimili.
10. En ríkið er jafn skuldsett eftir sem áður.
11. Að öllu öðru óbreyttu hefur virkur kaupmáttur lánastofnana aukist um 300 ma.
12. Aukning virks kaupmáttar (peninga í umferð) um 300 ma. er verðbólguhvati.
13. Aukning virks kaupmáttar um 300 ma. yfir 20 ár dreifir verðbólguhvatanum.
14. reifingin verður í mynd 300 milljarða ríkisskuldabréfs sem greiðist á 20 árum.
15. Almenningur ber kostnaðinn af leiðréttingu heimilisskulda í báðum tilfellum.

Sjá hér

[Sigurður (IP-tala skráð) 6.5.2013 kl. 18:12]

Og mikilvægasta verkefnið fyrir kosningar voru breytingar á stjórnarskrá....

Þetta er nákvæmlega ástæðan að vinstri flokkarnir voru reknir, þeir voru ekki að taka á neinum alvöru málum.

Þetta er alveg skelfilegt hvernig fráfarandi ríkisstjórn hefur hagað sér allt síðasta kjortímabil, og það hafa kjósendur vitað.

En formenn Samfylkingar og Vg skilja ekkert í fylgishruninu, botna bara ekkert í því eftir allan þennan frábæra árangur við rústabjörgunina, sem ALLUR fólst í því að slá málum á frest yfir á næsta kjörtímabil.

Þetta er ekki bara vanhæfasta ríkisstjórn allra tíma, heldur sú dýrasta líka.

[Seiken (IP-tala skráð) 6.5.2013 kl. 19:19]

Já, þú ætlar að selja okkur þá hugmynd Magnús að gjaldeyrisskuldabréf Landsbankans hafi orðið til þegar keyptar voru íslenskar innistæður úr þrotabúi gamla Landsbankans! Ja hérna, segi ég nú bara. Þetta verður skrautlegra og skrautlegra hjá ykkur á undanhaldinu.

Bréfið var gefið út sem greiðsla fyrir lánasöfn sem að nýji bankinn tók yfir frá þrotabúinu.  Að gefa skuldabréfið út í erlendri mynt var einfaldlega leið SJS og JS til þess að koma Hollendingum og Bretum framhjá gjaldeyrishöftum eftir að Icesave féll í þjóðaratkvæði. Eða getur þú bent okkur á það hvaða 300 milljarða króna lánasöfn í erlendri mynt nýji Landsbankinn tók yfir?

Tjónið vegna þessarar svikamyllu ef ekkert verður að gert er ca. 120 milljarðar sem er mismunurinn á aflands- og álandsgengi. Þessu má væntanlega bjarga fyrir horn ef ný stjórn hefur kjark til þess að gera upp þrotabú gamla Landsbankann í krónum. En ég er trúlega ekki sá eini sem hefur áhyggjur af því að við höfum bara séð hluta af þeim svartagaldurssamningum sem velferðarstjórnin gerði við erlenda kröfuhafa.

[Sigurður (IP-tala skráð) 6.5.2013 kl. 19:22]

Nei, Seiken þú ert ekki einn um þær áhyggjur.

Hvað veldur að FME situr aðgerðarlaust hjá árum saman á meðan fjármálafyrirtæki draga lappirnar í endurútreikningum á ólöglega gengistryggðum lánum?

[Jonsi (IP-tala skráð) 6.5.2013 kl. 20:23]

Nýjir labbakútar ræða málin. Flott. Ég er uppfullur vonar!

[Ómar Bjarki Kristjánsson, 7.5.2013 kl. 14:33]

Skuldarbréfið nýja Lansbankans til hins gamla var og er vegna OFTEKINNA EIGNA.

Í stuttu máli, að þegar Ísland stofnaði nýju bankanna þá stóroftóku þeir eignir.

Það var m.a. útaf því sem B&H brugust svo hart við. Ísland virtist (ég skal ekkert meta hvað þeim raunverulega gekk til) vera að STELA EIGNUM.

M.a. vegna þessa, þ.e. að Ísland stóroftók eignir útúr gamla bankanum - þá var ekkert nóg fyrir þá Sjalla varðandi erlenda innstæðuegendur að segja bara: Ja, við setjum innstæðueigendur í forgang o.s.frv. Vegna þess að þeir kross- og þverbrutu öll jafnræðisprinsipp með þvi að stórleg oftaka eignir.

Málið var svo ljótt að Ísland varð að semja um að greiða icesaveskuldina uppí topp plús álag. Fíflagangur framsóknarskunka og forsetagarms ásamt kjánaþjóðrembingum var alltaf merkingarlaust og aðeins það sem það var. þ.e. þjóðrembingsprump.

Feita þjóðrembingsprumpið hafði þá þann alvarlega faktor í for með sér að framsóknarskúnkar, forsetagarmu og kjánaþjóðrembingar tróðu stórlegum skapakostnaði ofan í kok alls almennings með ofbeldi og sá skuldaklafi mun leggjast á herðar almenninga á komandi árum.

Það er nú svona sem þetta liggur.

[Ómar Bjarki Kristjánsson, 7.5.2013 kl. 15:08]

Og ps. þegar skýrt er frá þeirri staðreynd að Ísland hafi ,,oftekið eignir" þá fer að styttyast í að einhver komi með ,,húsnæðislán" því viðvíkjandi.

Það er auðvitað algjört aukaatriði og neðanmálsgrein í þessu sambandi. Landsbankinn var og er afar öflugur fyrirtækjabanki með viðskipti og eignarhald í rauninni víða um fyrirtækjanet Íslands. Þetta snýst aðallega um fyrirtæki og lán til þeirra.

Jafnframt, þegar þetta er sagt, þá fer að styttast í einhver komi og segi að ,,semja hefði átt allt öðruvísi" þessu viðvíkjandi.

Þá er ví til að svara, að það er alveg hægt ennþá að semja allt öðruvísi. Það er hægt, á hvaða tímapunti sem er, að fokka á útlendingum ef innbyggjar vilja það. Hvenær sem er. Margir mundu samt draga í efa viturleikann því viðvíkjandi og siðferðisástandið.

Svo er nú það.