Þessu hljóta fúlistarnir hér á blog.is að minnstakosti að geta brosað að.

Las þetta á facebook og varð bara að deila þessu með öllum fúlistunum hér og skapofsamönnum. Því þó þeir geti verið hjartanlega ósammála þessu þá er þetta þó fyndið.

Þráinn Bertelsson

Það er ekkert smáræðis kraftaverk sem hinir tveir ungu afreksmenn hafa lofað þjóðinni, fimm millur á hvert mannsbarn að meðaltali og helst fyrir 17da júní, afnám verðtryggingar og gjaldeyrishafta, þjóðnýting á eignum erlendra burgeisa, hjól atvinnulífsins á hljóðhraða, diss á Evrópusambandið og stytta af Jóni Bjarnasyni í fullri líkamsstærð ofan á Bændahöllina og nægilega mörg ný störf til að allir geti unnið á tveimur stöðum og fleira smátt og gott. Og þeir hafa ekki önnur verkfæri til að framkvæma þessi kraftaverk en tvær silfurskeiðar.

Þegar Frelsarinn á sínum tíma bauð 5000 manns í pikknikk og grill byrjaði hann þó altént með fimm fiska og tvö rúnstykki, og sat uppi með mikinn afgang til næstu daga og við erum jú bara að tala um venjulegan fiskborgara en ekki bæði reiðufé, skuldauppgjöf og svo humar með hvítvíni um miðjar nætur inn á hvert heimili - þar sem ekki er setið yfir blóðugum steikum og rauðvíni.

 

Viðræður fram á kvöld og á morgun

Athugasemdir

[Björn Geir Leifsson, 12.5.2013 kl. 22:31]

Eins og aðrir sem í dag eru í áfalli yfir raunveruleikanum getur Þráinn hringt í 1717, Hjálparsíma RKÍ.

Maður er að verða ansi þreyttur á þessu íslandsmeistaramóti í aulafyndni innanhúss sem virðist vera í gangi hjá vinstriblogghirðinni.

[sæmundur (IP-tala skráð) 12.5.2013 kl. 22:48]

Við eigum þó eftir að gleðjast ef tekst að lækka bæði skattbyrði og forsendubrest lána . Því að þá má reikna með að velhaldnir stuðningsmenn fráfarandi ríkistjórnar noti það til að styrkja Fjölskylduhjálpina og Mæðrastyrksnefnd og minnka þá biðraðirnar sem að Jóhanna og Steingrímur bjuggju til.

Það þyrfti að athuga hvort félagsfræðinemar og eða sálfræðinemar bjóði samfylkingarfólki upp á aðstoð í dúr við það sem Orator hefur gjört fríkeypis að sjálfsögðu

Reyndar gæti þetta lið farið í messu og hlustað á Guðsorð og góða tónlist

[Theódór Norðkvist, 13.5.2013 kl. 02:28]

Björn Geir, það er ástæða til að vera í áfalli yfir því að þessir tveir flokkar eru að setjast að völdum. A.m.k. ástæða fyrir þá sem muna meira en fimm ár aftur í tímann.

Eins og ég (og eflaust flestir) vildu óska þess að hugmyndir Framsóknar gangi upp, er ég efins um það. Málið snýst samt ennþá um að það er ekki rétt að tala um einhverjar peningagjafir þegar við erum að tala um niðurfellingu skulda heimilanna að hluta til. Málið snýst ennþá um að viðurkenna að stór hluti af þessum skuldum verða aldrei greiddar.

Það skiptir ekki öllu hvort um formlega niðurfellingu verður að ræða, eða óformlega; að 20-30% fjölskyldna í landinu verði keyrðar í gjaldþrot. Sjá einhverjir gríðarlegan hagvöxt og velsæld í þannig ástandi? Skuldaumhverfið á þessu landi er ekki sjálfbært og það einfaldlega þýðir að kerfið keyrir sig sjálft í þrot.

[Eyjólfur G Svavarsson, 13.5.2013 kl. 09:56]

Hvort ætli Þráinn velji að ganga í Framsóknar eða Sjálfstæðisflokkinn, það er að segja ef honum byðist það??

[Anna Sigríður Guðmundsdóttir, 13.5.2013 kl. 13:22]

Þráinn er frábær listamaður, og á ekki heima í stjórnmálum.

Jón Bjarnason er traustur sínum kjósendum, og á öfgalausan hátt barðist hann gegn blekkingaröflunum. Ég kaus Regnbogann, og er enn sátt við það val, (því miður voru áróðurs-svik í þessum kosningum).

Það er annarra flokka-formanna-verk, að sýna og sanna að þeir séu traustari sínum kjósendum, heldur en Jón Bjarnason og hans flokks-félagar.

M.b.kv.

[Sigurður (IP-tala skráð) 13.5.2013 kl. 14:04]

Hefur Þráinn sýnt það síðustu 4 árin að hann hafi efni á að rífa kjaft, eða hneykslast á stjórnmálamönnum....?

Nú ætti þetta flón að hafa vit á að draga sig í hlé, vanhæfari tottaspenari hefur sennilega aldrei sest á þing en þessi.

[Anna Sigríður Guðmundsdóttir, 13.5.2013 kl. 15:28]

Hann Þráinn fræddi okkur um það að hluti af íbúum þessa lands væru fávitar.

Gullkornin leynast víða, og Þráinn Bertelsson er eitt af þeim gullkornum.

Vinur er sá er til vamms segir.

Þeir eru bara of fáir sem vilja sannleika og réttlæti, og ekki er það Þráni né öðru góðu "uppreisnar"fólki að kenna.

Það þarf kjark til að segja sannleikann umbúðalaust, og standa með sinni sannfæringu eftir bestu skynjun og skilningi. Eða er það ekki rétt athugað hjá mér?

M.b.kv.

[Magnús Helgi Björgvinsson, 13.5.2013 kl. 17:46]

Sko sumir einmitt á sömu línunni alltaf hreint. Stöðugt skítkast. Var bara að birta hér fyndin texta en sumir hér í athugasemdakerfinu algjörlega húmorlausir. Hefði samt að haldið að menn væru í skýjunum því að flokkar sem boða okkur gull og græna skóga og menn hafa verið að mæra upp fyrir haus eru að komast til valda. En nei það þarf áfram að vera með hausinn upp í ra...... og sjá ekki til sólar og ráðast að öllum með offorsi sem eru ekki sammála þem í pólitík. Þannig er t.d. Þráinn hættur á Alþingi og var bara að grínast á Facebook og mér fannst það fyndið. En þeir sem eru málefnalegir hér að ofan þó ég sé langt í frá sammála þeim fá hrós frá mér.