Þetta fer að verða efni í bíómyndaröð

Þetta er með afbrigðum hvert Baugsmálið er að fara. Ofan á allt annað hefur nú síðustu daga komið í ljós að málið sé hugsanlega byggt á reiði vegna kvennamála og meinta viðreynslu við eiginkonu Jóns Geralds. Nú í dag er það bréf sem skrifað er að því virðist af löglærðum manni nafnlaust. Í bréfinu er því haldið fram að Hæstiréttur sé að dæma í málinu til að hefna fyrir að Jón Steinar og Ólafur Börkur hafi verið skipaði í Hæstarétt gegn vilja Hæstaréttar.

Fréttin í Fréttablaðinu er ítarlegri svo ég birti kafla úr henni hér:

www.visir.is

Bréfið er tvískipt, annars vegar er fjallað um valda dóma sem fallið hafa í Baugsmálinu og hins vegar eru settar fram tilgátur um ástæður fyrir niðurstöðum dómanna.

Sigurður Líndal, prófessor í lögfræði, segir allt benda til að bréfritari sé lögfróður maður. „Það er greinilegt að bréfritari ber mjög þungan hug til eigenda Baugs vegna úrslita sakamála þeim á hendur."

Eiríkur Tómasson, prófessor í lögfræði, segir það að dreifa nafnlausu bréfi með jafn alvarlegum persónulegum aðdróttunum og hér er gert vera grafalvarlegt mál. „Þegar það bætist svo við að bréfið getur ekki verið skrifað nema af lögfræðingi eða einstaklingi sem hefur heimildarmann úr hópi lögfræðinga, gerir það mál þetta enn alvarlegra."

Gestur Jónsson staðfesti í gær að honum hafi borist bréfið og segist líta það afar alvarlegum augum, enda sé bréfið ótrúlega rætið og óhugguleg lesning. „Þetta er skrifað af manni sem er nafnlaus, að ekki sé talað um huglaus. Það er ómögulegt að lesa þetta bréf öðruvísi en svo að þarna sé verið að reyna að hafa áhrif á niðurstöðuna í málinu." Gestur segir bréfið skrifað af mikilli þekkingu á lögfræði og á málinu sjálfu. Hann telur ljóst að tilgangur bréfsins sé að sakborningar verði sakfelldir.

Hvað kemur næst?

Óskar eftir fundi vegna nafnlauss bréfs

Athugasemdir

[Grímur Kjartansson, 23.2.2007 kl. 14:16]

Það er staðreynd að gerðar hafa verið meiri kröfur fyrir dómstólum til ákæruatriða í Baugsmálinu en nokkru öðru íslensku dómsmáli. Bréfritari þessa bréfs finnst það merkilegt og reynir að finna einhverjar skýringar og grúskar þá helst í hvernig dómarar hafa dæmt (Man einhver eftir bókinni Pelican brief) . Á hinn bóginn hefur ákæruvaldið lagt meira í þetta mál en önnur og því má spyrja hvort ekki eigi að gera meiri kröfur?  Eða eiga allir að vera jafn  réttlágir fyrir ákæruvaldinu.
Hver sem er hefði getað skrifað þetta bréf þó svo að bréfritari láti í það skína hér og þar að hann sé lögfræðingur sem ef til vill er einungis gert til að villa um fyrir  hr. Líndal og co. og gera það trúverðugra  að bréfritari hafi einhverjar heimildir fyrir skrifum sínum.