Verði þeim að góðu!

Ef þetta fer eins og ég reikna með og allt fari í loft upp í haust/vetur þá er málið ekkert annað en  að bæði Framsókn og Sjálfstæðismenn töluðu um að nú væri tími niðurskurðar lokið nú ætti að fjölga vellaunuðum störfum og um leið lækka öll ég endurtek öll lán fólks. Það fór ekkert á milli mála í aðdraganda kosninga.

Málið var að lækka skatta og víkka út skattstofna með auknum tekjum fólks og þar af leiðir hærri greiðslur til ríkisins þrátt fyrir lækkun tekjuskatts.

Nú verða þessir labbakútar að standa við stóru orðin. Þeir vissu að það væri nær allir kjarasamningar lausir nú á næstu misserum og nokkurn vegin vissu þeir alveg hvernig staðan væri á ríkissjóð.

Þeir töluðu aldrei um niðurskurð þvert á móti sögðu þeir að nóg væri komið.

Svo skipa þessir labbakútar/fóstbræður fólk í þessa hagræðingarnefnd sem er frægt af því að málflutningur þeirra vekur oftar en ekki úlfúð og deilur. Og halda svo þessir flokkar að þetta hafi verið heppilegasta fólkið til að ná fram aðgerðum sem þjóðin sættir sig við og myndi þjóðarsátt?

Verði þessum flokkum að góðu.

Ólík afstaða til launakrafna

Athugasemdir

[Úrsúla Jünemann, 19.7.2013 kl. 18:30]

Ó já! Þessi ríkisstjórn mun mylja undir þeim sem hafa það best. Og allir sem kusu þessa gaura sitja eftir með sárt ennið. Þeir lofuðu margt en vissu um leið að þetta gæti ekki gengið. En siðleysið er því miður ríklandi í íslenskri pólitíkinni.

[Rafn Guðmundsson, 19.7.2013 kl. 19:02]

ég bíð spenntur eftir haustinu

[Anna Sigríður Guðmundsdóttir, 20.7.2013 kl. 00:52]

Sorglegt með Björn Val Gíslason, að hann skuli vera kominn á seðlabanka-spenann, (með tæpar 60.000. krónur fyrir að sitja hvern fund), eftir að hafa svikið kjósendur Vinstri Grænna strax eftir alþingiskosningar 2009. Það er vissulega siðblind græðgi, sem sæmir ekki raunverulegum jafnaðarmanni.

Er ekki rétt að hafa alla flóruna með í gagnrýni-umræðunni? Það finnst mér réttast, ef gagnrýnin á að vera til gagns.

Flokka-pot er verra spillingardæmi en kjördæma-pot.

M.b.kv.