Á meðan forsætisráðherra segir að Ísland hafi ekkert til ESB að sækja eru kaupmáttamiklir ESB borgarar ólmir að komast til Íslands og spranga um í fínustu og dýrustu íbúðum og sumarhúsum landsins með láglauna Íslendinga stjanandi í kringum sig.
Þúsundir Íslendinga eru á harkhólum í eigin landi því húsaleiga er farin að taka mið af kaupmætti útlendinga. Menn kvarta yfir að leiga sé komin út úr öllum kortum, en er það rétt?
Miðað við byggingarkostnað, afskriftir, og íslenskt vaxtastig er ekki hægt að sjá að leiga sé óeðlilega há, enda ráða útlendingar við hana. Það eru íslensku launin sem eru hlægilega lág og langt fyrir neðan meðaltal ESB landanna að ekki sé talað um meðallaun á hinum Norðurlöndunum.
Íslenska hávaxtahaftakrónan er að færa húsnæðismál landsmanna áratugi aftur í tímann.
Ísland er í auknu mæli að verða frátekið fyrir útlendinga og Íslendinga með gjaldeyristengd laun. Krónulaunþegar verða að sætta sig við annars flokks aðganga að eigin landi – er það þetta sem menn kalla hið íslenska fullveldi?
RSS
Augnablik - sæki gögn...
Athugasemdir
spurning hvort það sé kominn tími fyrir nýja bragga.
sveinn ólafsson (IP-tala skráð) 25.9.2013 kl. 18:26
Fyrir fáeinum árum var 5.000 krónu seðill verðmeiri en nýi 10.000 kr. seðillinn verður.
Einkennandi fyrir land með ónýta peningastjórn. Land, þar sem finna má heilsíðu auglýsingar um ný kortatímabil.
"Just, imagine"; NÝ KORTATÍMABIL!
Haukur Kristinsson (IP-tala skráð) 25.9.2013 kl. 18:35
Ég verð nú að segja að tilvitnunin í Laxnes er dálítið góð. Hún virkar í allar áttir og alla bókstafi "tíkurinnar".
Sindri Karl Sigurðsson, 25.9.2013 kl. 22:36
Já, þarna erum við sammála, það er ÓTRÚLEGT hvað vinstri stjórnin er búinn að eyðileggja margt hérna á 6 árum
Bjarni (IP-tala skráð) 26.9.2013 kl. 00:29
Nú eru útlendingar orðnir óæskilegir,? Ríkisstjórn Íslands frá 2009 leit ekki svo á. Líktist frekar utibúi ESB stjórnar í Brussel,þar sem takmarkið var að gera okkur svo vesöl að við tryðum á og dýrkuðum þetta yfirgangs apparat.
Helga Kristjánsdóttir, 26.9.2013 kl. 11:07
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.