Flott svona á að hefna sín!

Veit ekki alveg hvað menn vilja fá út úr þessu nema hefnd. En svona miðað við að nær allar þjóðir á tímum Icesave töldu 2008 til 2010 að okkur bæri að borga þetta og meira að segja dómur ESA kom flestum á óvart þá held ég að Sjálfstæðismenn fái lítið út úr þessu. Auk þess sem ég rak mig á að þetta er svo illa unnið að þeir eru sífellt að tala um núverandi stjórnvöld hafi skrifað undir þetta og gert hitt. Þau hefðu  betur undirbúið þetta og þó ekki væri bara að uppfæra úr : Núverandi stjórnvöld yfir í þáverandi stjórnvöld!

Svo ef þessir flokkar fara frá í næstu kosningum þá koma næstu flokkar og skipa rannsóknarnefnd um samninga við kröfuhafa vegna krónueigna og sölu á eignarhlutum ríkisins í bönkunum sem nú stendur yfir. Og allir verða voða kátir yfir þessu og þetta verður viðvarandi í stórnmálum landsins. Þ.e. að hefna sín. 

Margir af tillöguflytjendum samþykktu held ég einn eða 2 af þessum Icesavesamningum

Vilja rannsaka embættisfærslur í tengslum við Icesave

Athugasemdir

[Magnús Helgi Björgvinsson, 15.10.2013 kl. 17:30]

P.s. rétt að segja frá því strax að ég var á móti Landsdómi og að draga ætti ráðherra fyrir dóm.

[Anna Sigríður Guðmundsdóttir, 15.10.2013 kl. 18:15]

Magnús Helgi. Við Íslands-búar komumst ekkert áfram á siðferðisbrautinni, með sökudólga-hagfræðina handónýtu og gamaldags, sem eina leiðarljósið.

Svo mikið er ég þó búin að læra í þessu lífi, að maður mætir alltaf sínum eigin fordómum, ef maður fordæmir aðra.

Verkefnið er ekki auðvelt, hvernig sem á það er litið.

M.b.kv.

[Tómas (IP-tala skráð) 15.10.2013 kl. 18:19]

Nú heitir það hefnd.

Það er sjálfsagt að rannsaka þessa hluti.  Það er annað mál ef niðurstaðan verður pólitísk. 

[Sigurður (IP-tala skráð) 15.10.2013 kl. 19:35]

Ein spurning.

Ef Steingrímur og Jóhanna hafa hreinan skjöld í þessu máli, í hverju felst þá hefndin?

 Hafi þau staðið sig eins vel og þú vilt meina, þá ættir þú að fagna utanaðkomandi rannsokn sem myndi þá staðfesta það.

 Þau verða þá hreinsuð af öllum ásökunum um gunguhátt og vanhæfni í málinu.

Hvernig í veröldinni færð þú einhverja hefnd út úr því?

[Magnús Helgi Björgvinsson, 15.10.2013 kl. 21:15]

Það á að hefna fyrir að rannsóknarskýrsla Alþingis skildi vera notuð til að sækja Geir Haarde fyrir Landsdóm. Og svo má nefna að sjálfstæðismenn eru búnir að fresta að skipa nefnd til að rannsaka einkavæðingu bankana. Og það eru fleirum en mér sem datt þetta í hug. Sjá t.d. þetta frá því í kvöld http://blog.pressan.is/illugi/2013/10/15/sami-hraskinnaleikurinn-somu-trixin/

[Sigurður (IP-tala skráð) 15.10.2013 kl. 21:42]

Magnús,

Ég var ekki að spyrja fyrir hvað á að hefna, heldur í hverju hefndin felst?

 Hafi þau ekki gert neitt af sér, og staðið sig eins vel og þú villt meina, myndi rannsókn þá ekki bara staðfesta það og þau þau hreinsuð af öllum áburði af vanrækslu og getuleysi?

Hvernig getur það talist vera einhver hefnd?

[Jón Steinar Ragnarsson, 15.10.2013 kl. 22:09]

Hefna fyrir hvað Magnús? Að dómurinn hafi fallið okkur í vil? Ertu froðufellandi hálfviti?

[Jón Sveinsson, 15.10.2013 kl. 22:31]

Með svona ransókn fáum við kanski heiðanlegri þingmenn og Ráðherra

[Ómar Bjarki Kristjánsson, 15.10.2013 kl. 23:47]

Þetta sýnir vel eðli sjallaþ Stela og svíkja. það eru þeirra ær og kýr. Siðferði þessa liðs er zero. Þeir stálu meir að segja úr sjóðum norðurlandaráðs. Halló.

Fyrir utan ofannefnda staðreynd, þá var þessi dómur EFTA í raun bara djók og enginn sem tekur mark á honum. Hugsanlega þýðir dómurinn að Ísland er ábyrgt uppí topp. Það á eftir að dæma um það.

Jafnframter auðvitað broslegt ef horft er á dóminn og skýrslu RNA - að það var sami maðurinn! Sami íslendingurinn.

Þessi dómur virkar soldið eins og það hafi verið látið eftir frekju íslendinga þessu viðvíkjandi. Dómurinn leifði þarna Páli Hreinssyni (sem sumir segja að sé vinur davíðs oddssonar, allavega vann hann mikið fyrir þann einstakling fyrr á tíð) að blaðra útí loftið - því á vitað var að Ísland mundi alltaf borga þessa skuld þeirra sjalla uppí topp plús álag. Sem gengur svo fullkomlega eftir. Ísland mun alltaf borga þetta. Samningurinn gerði bara að verkum að afborgunin yrði á miklu mun betri kjörum en nú er raunin.

[Jón Valur Jensson, 16.10.2013 kl. 02:44]

"... nær allar þjóðir á tímum Icesave töldu 2008 til 2010 að okkur bæri að borga þetta ..." segir Magnús Helgi.

En "þjóðunum" koma þetta bara ekkert við og vissu nánast ekkert af þessu!

Fjöldi sérfræðinga, erlendra sem innlendra, upplýsti okkur hins vegar um, að ekkert bæri okkur að borga -- og reyndust hafa rétt fyrir sér.

Menn eins og Magnús Helgi, Ómar Bjarki, Guðjón Sigþór og aðrir enn minni spámenn, einnig Jóhanna, Steingrímur, Björn Valur, Össur og allt það auma lið og jafnvel Bjarni í ísköldu stuði, með allt of marga leiðitama í bandi, skelltu skollaeyrum við ábendingunum!

[Pétur Harðarson, 20.10.2013 kl. 21:11]

Það sem Já-sinnar hafa aldrei skilið er að Nei við Icesave þýddi aldrei að við vildum ekki borga. Það þýddi einfaldlega að kröfurnar sem Bretar og Hollendingar settu fram voru óréttlátar, ósanngjarnar og, eins og síðar kom í ljós, ólögmætar. Það er ekki skrítið að menn vilji láta rannsaka af hverju samninganefndin lét aldrei reyna á réttmætar kröfur okkar Íslendinga heldur sagði bara já og amen við vitleysunni frá Bretum og Hollendingum. Össur, Jóhanna, Steingrímur, Svavar Gests og aðrir sem komu að þessu eru bara opinberir starfsmenn. Ekkert merkilegri en það. Þau eru ekki yfir gagnrýni hafin og þegar ljóst að þeirra vinnubrögð hefðu mjög líklega gert ríkið gjaldþrota þá þarf að rannsaka það svo opinberir starfsmenn geti lært af mistökum þeirra. Það er óþarfi að taka þessu persónulega.