Nú verður stuð!

Held að ríkisstjórnin hefði betur hækkað persónuafsláttinn heldur en að fikta í miðtekjuskattsstiginu. Nú er ljóst að meirihluti félaga hafa fellt samninginn.

Nú verður aftur samið og væntanlega um hærri hækkanir. Þeim verður síðan velt út í verðlagið! A.m.k. klárlega hjá fyrirtækjum sem selja eða þjónusta innanlandsmarkað. það gildir allt annað um sjávarútveginn hann er nær eingöngu að framleiða til útflutnings og hækkar því ekki afurðaverð sín hér á markaði. En skuldug fyrirtæki sem eru að selja okkur vörur og þjónustu eiga væntanlega ekki annarra kost. Og þá hækkar vöruverð og væntanlega verðbólga. Líklegt að krónan falli og við erum komin í draumastöðuna! Finnst að verkalýðleiðtogar sem mest hafa talað gegn þessum samningum séu allt of mikið að miða við stöðuna heima hjá sér á Húsavík og Akranesi þar sem flestir vinna við fisk, ál eða járnblendi sem fer allt á erlenda markaði. 

Flóabandalagið felldi samninginn

Athugasemdir

[Þórir Kjartansson, 23.1.2014 kl. 08:33]

Þessir samningar hefðu flogið í gegn ef ríkisstjórnin hefði aulast við að hækka persónuafsláttinn.  Skattleysismörk sem eru um 130þús kr. eru auðvitað fyrir neðan allt velsæmi.  Ein hörmungin frá Davíðstímanum sem sjálfstæðismenn halda sig enn við.

[E (IP-tala skráð) 23.1.2014 kl. 12:53]

Það sem er brýnast í sambandi við kjör og kjarasamninga núna er að stórhækka þarf laun kennara. Þau eru til skammar. Sama má segja um heilbrigðisstéttir.

[ólafur (IP-tala skráð) 23.1.2014 kl. 14:05]

Sammála. þarf að hækka persónuafsláttinn. Jú auðvitað er gótt að þrep eitt fari úr 250þús í 290þús en það bara skilar okkur litlu. þetta gæti ég td sætt mig við. Hækkun uppá 4% persónuafláttur hækkar um 10þús og þrep eitt fer úr 250 í 310þús.