Hættuleg fáviska!

Þetta er ein af áhrifameiri þingkonum okkar! Þökk sé kjósendum í Reykjavík

:"Þá vakti athygli að Vigdís hélt því fram í þættinum að Malta væri ekki sjálfstætt ríki, heldur sjálfstjórnarsvæði undir öðru ríki. Sagði hún að undanþágur sem Malta fékk í sínum aðildarsamningi líktust því að Vestmannaeyjar fengju sérstaka undanþágu í aðildarsamningi Íslands. Malta hlaut sjálfstæði frá Bretlandi árið 1964 og gerðist aðili að Sameinuðu þjóðunum það sama ár." (eyjan.is)

Athugasemdir

[Magnús Helgi Björgvinsson, 23.2.2014 kl. 14:04]

Hefði kannski átt að bæta við að skv. Vigdísi er hungursneið í Evrópu!

[þór (IP-tala skráð) 23.2.2014 kl. 16:52]

Sagði ekki Samfói nr. 1  að Jón Sigurðsson forseti væri fæddur í Dýrafirði?

[Sigurgeir Jónsson, 23.2.2014 kl. 17:10]

Malta er undir verndarvæng Breta sem hafa þar herstöðvar og eru búnir að hafa í hundruð ára.Að nafninu til ar Malta fullvalda ríki en reiðir sig á Breta.Alls óvíst er að Malta verði áfram í ESB ef Bretar ganga úr því.Þær tímabundnu undan þágur sem Malta fékk skipta engu máli, en það eru fiskveiðar á trillum innan tólf mílna.Maltverjar hafa að meðaltali veitt á þessum trillum um þúsund tonn á ári,sem fyst og fremst eru étin á Möltu, hér væri þessi fiskur kallaður ruslfiskur.Þessi þúsumd tonn skipta ESB þjóðirnar engu máli, og undanþágan er ekki varanleg og getur ESB ákveðið að taka hana af hvenær sem er.Allt rétt hjá Vigdísi.Áfram Vigdís.

[sæmundur (IP-tala skráð) 23.2.2014 kl. 17:21]

heldur þú Magnús að þarsem atvinnuleysi er uppí 50% að þar sé ekki hungursneyð?

Þar getum við nefnt Grikkland Spánn og fleiri ríki

[Ásthildur Cesil Þórðardóttir, 23.2.2014 kl. 17:53]

Nú á að taka Vigdísi niður vegna frumvarps hennar um þjóðaratkvæðagreiðslu um hvort þjóðin vildi áframhaldandi umræður um ESB. Lágt getið þið lagst í áróðrinum, en það er svona þegar verja þarf ljótan málstað, þá er gripið hvert hálmstrá.

[Ómar Bjarki Kristjánsson, 23.2.2014 kl. 18:20]

Hahahaha eru nú framsjallaandsinnar farnir að afneita því að Malta sé sjálfstætt ríki?

Samþyggir fólk barasta hvaða heimsku og vitleysu sem framsjallar koma með??

[Ómar Bjarki Kristjánsson, 23.2.2014 kl. 18:21]

Ps. ef einhverjir eru ekki sterkir í landafræði - þá er í dag bara auðvelt að gúggla það. (mig minnir eg hafi lært í landafræði að Malta hafi fengið sjálfstæði 1964. Minnir það. Og eg fékk yfirleitt 10 í landafræði.)

[Ómar Bjarki Kristjánsson, 23.2.2014 kl. 18:32]

Ps.ps. jafnframt er sérkennilegt eða í raun óhuggulegt, að sjá Sjalla gera lítið úr og tala niðrandi um strandveiðar Maltverja.

En þarf svo sem ekki að koma á óvart enda hafa þeir rústað strandbyggðum og viðum hér ásamt andsinnum og framsóknarmönnum.

Jafnframt þarf eigi mikið vit eða þekkingu til að vita, að matargerð maltverja úr fiski er sælkeramatur og afar verðmætur. Það er ekki alltaf magnið sem skiptir máli heldur gæðin. En sjallar skilja það ekki enda bölar í allri vörumeðhöndlun og ganga illa um allar auðlindir og yfirleitt er allt í rúst eftir þá hvar sem þeir koma nærri.

[Sigrún Guðmundsdóttir (IP-tala skráð) 23.2.2014 kl. 20:18]

Ekki er ég í Framsókn og mun aldrei verða - en er samt andvíg inngöngu Íslands í ESB. Finnst blóðugt að hafa eytt púðri og peningum í þetta vonlausa verk undanfarin ár og finnst þjóðin hafa verið dregin áfram á asnaeyrunum. Við erum ekki að uppfylla skilyrðin til að taka upp Evru í fjöldamörg ár til viðbótar þannig að þetta eina mál Samfylkingarinnar fellur um sjálft sig.

Og svo geta illa innrættir velt sér upp úr óheppilegum ummælum Vigdísar þegar hún er ein undir skothríð tveggja Samfómeðlima í umræddum þætti! Þáttastjórnandinn talaði beint upp úr stefnuskrá Samfylkingarinnar fyrir síðustu kosningar og Katrín Júl. bullaði hringinn, svekkt og æst.

Já, hún bullaði um margt - getur enginn horft á það gagnrýnum augum? Hún veit oft ekkert hvað hún er að tala um enda segja kunnugir að við höfum aldrei nokkurn tíma haft lélegri fjármálaráðherra.

[Valdimar Samúelsson, 23.2.2014 kl. 20:40]

Hafið ekki áhyggjur af Vigdísi hún veit sínu viti.Ég bjó á Möltu um tíma. þeir hafa sinn gjaldmiðil en verað að flytja inn 20% af matvælum þar sem þeir geta ekki brauðfætt sig. Það er engin jarðvegur nema innfluttur. Kínamenn gerðu ''innrás'' á Möltu þar sem það lá svo vel við siglingum í gegn um Súezs skurðinn.Þegar ég var það þá byggðu þeir upp skipakvíar og voru áhrifamiklir.Gógglið Möltu þá sjáið þið að það er allstaðar stór skip.

Ég endurtek þeir verða að flytja inn matvæli en við flytjum inn matvæli en verðum ekki að gera það. Það þykir allstaðar kostur að geta brauðfætt sig og sína.

[Kommentarinn, 23.2.2014 kl. 23:43]

"Allt rétt hjá Vigdísi.Áfram Vigdís"

Í alvöru Sigurgeir? Allt rétt hjá Vigdísi?

Malta er sjálfstætt ríki. Það er þá amk eitt atriði rangt hjá henni. Ég gæti alveg nefnt fleiri, þessi kona er tóm tjara.

[Ómar Ragnarsson, 24.2.2014 kl. 12:57]

Er ekki athugandi fyrir Vestmannaeyinga að sækja um aðild að Sameinuðu þjóðunum, senda keppendur á Smáþjóðaleikana og í Evróvision og gera Vígdísi , Söru Palin Íslands, að forsætisráðherra Vestmannaeyja?

[Bjarni Kristjánsson, 24.2.2014 kl. 15:01]

Ég hef búið á Möltu núna í nokkur ár, þannig að ég þekki nokkuð vel til hérna. Það er greinilegt að margir heima vita ekki mikið um Möltu, og vísa í "staðreyndir" sem eru annaðhvort misskilningur eða hreinn uppspuni.

1. Malta hefur verið sjálfstætt ríki síðan 1964, en er líka aðili að breska samveldinu.

2. Breski herinn var með stöðvar hérna til 1979, en Malta er núna með sinn eiginn her (AFM), þó hann sé frekar lítill (2000 manns).

3. Það eru tveir flokkar hérna sem skiptast á um að fara með stjórnina. Nationalist Party studdi að ganga í Evrópu-banda, og Labour Party var á móti.

4. Malta gekk í Evrópu-bandalagið 1. Janúar 2004, eftir þjóðaratkvæðagreiðslu 2003, þar sem fylgjendur fengu 53.6% greiddra atkvæða, á móti 46.4%.

5. Almennt virðist fólk hérna vera núna mjög sátt við að vera í Evrópu-bandalaginu. Ég hef ekki séð neinar umræður hérna á Möltu síðustu árin um að segja sig úr því, jafnvel þó Labour séu núna með stjórnartaumana.

6. Það er mikið af bresku fólki hérna, en það eru aðallega eldra fólk á eftirlaunum (expats), sem taka að engu leiti þátt í stjórn landsins.

7. Fiskur hérna er almennt mjög góður, en er aðallega veiddur á litlum trillum fyrir innanlandsmarkað.

8. Þeir hafa landbúnað hérna á Möltu, en hann er auðvitað frekar smár, vegna þess hve landið er lítið (300fkm) og hrjóstrugt.

9. Malta er eitt af fáum evrópu-löndum við Miðjarðarhafið, sem er ekki í miklum fjárhagskröggum. Malta er alls ekki ríkt land (GDP $21K vs. $42K á Íslandi), en það er engin hungursneið hérna.

[Magnús Helgi Björgvinsson, 24.2.2014 kl. 20:41]

Takk fyrir upplýsingarnar Bjarni! Er ekki rétt hjá mér að það hafi verið miklar deilur um áraraðir um hvort að ætti að klára viðræðurnar?

[Bjarni Kristjánsson, 24.2.2014 kl. 21:00]

Já, það voru miklar deilur hérna í mörg ár um málið, áður en Malta loksins gekk í ESB árið 2004. Umsóknin var upprunalega lögð fram af Nationalist stjórninni 1990 og var gefið grænt ljós af ESB til að byrja ferilinn 1993-95. Labour vann síðan kosningar 1996, og "frystu" í framhaldi af því samningsviðræðurnar við ESB.

En eftir mikið pólitískt umrót innanbúðar hjá Labour (nokkuð algengt hérna) voru haldnar aðrar kosningar 1998 sem Labour tapaði, þannig að við tók ný Nationalist-stjórn, sem þá "reactivated" samningaferlið, sem þurfti sérstakt leyfi frá ESB í lok 1999. Ef Labour hefði hætt við og afturkallað umsóknina, er ansi líklegt að það hefði þurft að byrja allt samningsferlið upp á nýtt.