Finnst nú full bratt af stað farið hjá nýjum oddvita

Heyrði ekki annað í fréttum RUV að hún segði að Borgin ætti að sjá til þess að allir gætu fengið íbúð við hæfi á viðráðanlegu verði og það ætti að vera borgin sem skaffað þær eða sæi til þess. Því allir sem þyrftu nýjar íbúðir væru að flýja í nágranasveitarfélögin.

• Svona til að byrja með þá skil ég ekki hvernig Borgin  á að gera það. Því eins og hún skýrði þetta út þá átti Borgin að skaffa eða fjármagna þetta og þetta væri fjárfesting til framtíðar. En hún var ekki viss um hvaðan peningarnir ættu að koma.
• Þá er vert að benda henni á t.d. að um leið og hún vill ekki byggja t.d á flugvallarsvæðinu þá er mun styttra úr t.d. Kópavogi niður í miðbæ Reykjavíkur en frá Grafarholti eða Úlfársdal! Og frá Úlfársdal er mun styttra í miðbæ Mosfellsbæjar en í miðbæ Reykjavíkur.  Þannig að það er ljóst að fólk sem flytur þangað þarf að eiga helst 2 bíla nema að fjölskyldur vinni allar sama vinnutíma. Það eru nær engin vinnustaður þar nálægt.  Það eru ekki aðrir stórir byggingareitir nær í Reykjavík nema flugvöllurinn. Og svo kemur á móti að iðnaðarfyrirtæki í Ártúnshöfða og þar hafa nær ekkert að fara nema þá nærri upp í Mosfellsbæ ef menn vilja fara að byggja Íbúðabyggðir þar.
• Skolli einfalt að ætla að selja kjósendum fullt af nýjum íbúðum á viðráðanlegu verði en vita ekkert hvernig á að fjármagna það, hvernig á byggja þær eða hver á að gera það. Og þetta allt korter fyrir kosningar.

Bjartsýn fyrir hönd framboðsins

Athugasemdir

[E (IP-tala skráð) 30.4.2014 kl. 08:36]

Manni sýnist að þessi nýi oddviti framsóknarmaddömunnar muni halda áfram því góða starfi að gera þetta flokksfyrirbrigði svo óaðlaðandi fyrir kjósendur, að við munum losna fljótlega við þennan bófaflokk fyrir fullt og allt mjög fljótlega og farið hefur fé betra. Merkilegt að afturhaldsflokkarnir báðir skuli leita vestur á firði eftir forystufólki. Þvílík óvirðing við Reykvíkinga.

Burt með flugvöllinn. 

[Eyjólfur G Svavarsson, 30.4.2014 kl. 14:01]

Hvar er miðborg Reykjavíkur? Getur þú sagt mér það Magnús.

[Magnús Helgi Björgvinsson, 2.5.2014 kl. 18:55]

Miðbær Reykjavíkur er svæðið umhverfis Tjörnina svona kannski um 5 km radíus út frá Austurvelli.  Og svona lauslega áætlað eru  um 1500 metrar eða minna þaðan að enda flugbrautarninnar sem liggur suður - norður frá Austurvelli! Ef menn sitja á Austurvelli þegar flugvélar koma til lendingar úr norðir má sjá nærri því skúrfurnar sem notaðar eru til að skrúfa Fokkerana saman ef maður horfir á þær yfir Alþingishúsinu.