Er þetta ný auglýsing frá Framsókn?

Mannætumúslímar ætla að byggja sovétmosku í Húsdýragarðinum

Svona mun moskan pottþétt líta út.

Öfgasinnaðir mannætumúslímar hyggjast byggja risavaxna sovétmosku í miðjum Húsdýragarðinum í sumar, verði ekki tafarlaust gripið í taumana.

Þetta fullyrða samtök umburðarlyndra rólu- og flugvallarvina (URF) sem vilja koma í veg fyrir byggingu moskunnar.

„Þeir ætla að hreiðra um sig þarna og gelda öll litlu dýrin og starfsmennina í Húsdýragarðinum. Síðan taka þeir þeir til við að lokka íbúa í nágrenninu inn í blokkina og éta þá. Sannið þið til,“ segir talsmaður URF.

Hann telur víst að fleiri sovétmoskur muni fylgja í kjölfarið „með tilheyrandi mannáti, gæludýrageldingum, bænakvaki, blokkapartýum og almennum múslímakommúnisma,“ eins og það er orðað.

Nei úps þetta var þá baggalutur.is sem ég var að lesa. En óþægilega nálægt málflutningi Framsóknarflokksins í Borginni. 

Sterkari í kosningum en könnunum

Athugasemdir

[Anna Sigríður Guðmundsdóttir, 26.5.2014 kl. 22:49]

Ég hræðist bankaránsstofnanir/lífeyrissjóðsræningja-stofnanir vestursins (m.a. á Íslandi) meira en moskur. Vegna þess að:

Múslímar leyfa ekki dauðadæmandi þrælavexti. Og því síður vaxtavesti. Og alls ekki vaxtavextis-vexti!

Ólöglega útfærð þræla-verðtrygging á neytendalán á Íslandi er alls ekki í boði múslima.

Moska mun ekki fara verr með rænda, fátæka, saklausa og heiðarlega neytendur og fyrirtæki á Íslandi, heldur en mafíustýrðir glæpabankar og glæpalífeyrissjóðir gera í dag.

Eitthvað til umhugsunar?

M.b.kv. 

[E (IP-tala skráð) 27.5.2014 kl. 07:21]

Eitt gott hefur bullið í þessari vestfirsku valkyrju leitt af sér, en það er að nú hefur verið rækilega flett ofan af þessu fasistaskrímsli, sem framsóknarflokkurinn er. Fyrirsjáanlega mun þessi óvær þurrkast út af þingi í næstu kosningum, hvenær sem þær verða. Kannski verða þær fyrr en margan grunar, því þeim hópi innan sjálfstæðisflokksins sem er farinn að sjá hvaða tjóni samstarfið við framsókn veldur flokknum, vex hratt ásmegin. Gæti verið að Bjarni sæi sitt óvænna og sliti stjórnarsamstarfinu.