Árni Mathiesen: Skattalækkanir til almennings - Hátekjuskattur og Eignarskattur

Var að lesa grein í Fréttablaðinu eftir Árna Mathiesen. En þar heldur hann því fram að það hafi verið gríðarlegar skattalækkanir fyrir almenning á þessu kjörtímabilinu. Og því til stuðnings nefnir hann hátekjuskatt og eignarskatt. Er nú ekki alveg viss um að stórhluti þjóðarinnar sem aldrei hefur haft tekjur til að þurfa að greiða hátekjuskatt hafi tekið eftir þessu. Í greinni segir:

Fyrir tekjuárið 2003 var þessi skattur 5% og lagðist á alla sem höfðu meira en 4,1 milljón í árstekjur eða 340 þúsund á mánuði

Miðað við launahækkanir síðan 2003 væri þessi upphæð í dag á bilinu 5 til 600 þúsund  á mánuði og um 7 milljónir á ári. Þetta er upphæð sem stórhluti fólks sér ekki í sínu veski eða á kortinu sínu. Þannig þessi skattur snertir ekki stóran hluta kjósenda.

Eins held ég að hann fari með fleypur þegar hann segir að það séu 15000 eldriborgarar sem hafi losnað við eignarskatt. En ég er nú ekki viss um að það hafi gerst jafnt á hópinn. En þetta lítur vel út þegar hann jafnar þessu á hópinn:

Helmingur allra eldri borgara, tæplega 15.500 einstaklingar, greiddu eignaskatt á árinu 2005 og nam samanlögð upphæð þessara aðila ríflega 650 milljónum króna eða 42 þúsund krónum að jafnaði á hvern einstakling.

Svona er málstaður Fjármálaráðherra veikur þegar farið er yfir þetta kjörtímabil gagnvart þeim sem lægst hafa launin.