Það verður ekki annað sagt en að sumir Íslendingar eiga orðið slatta af peningum.

Flest sveitarfélög eiga erfitt með að byggja 17 metra laug og þannig eru varla 10 sundlaugar  25 metra langar hér á landi. Svon koma 2 manneskjur og gefa bara eitt stykki. Ég óska íbúum Hofsóss til hamingju með að eiga svona gjafmilda einstaklinga í sinni sveit.

Frétt af mbl.is

  Færa íbúum Hofsóss og nágrennis sundlaug
Innlent | mbl.is | 29.3.2007 | 11:52
Skrifað var undir viljayfirlýsingu í gær á milli sveitarfélagsins Skagafjarðar, Lilju Pálmadóttur, Hofi á Höfðaströnd, og Steinunnar Jónsdóttur, Bæ á Höfðaströnd, um að þær Lilja og Steinunn færi íbúum Hofsóss og nágrennis 25 metra sundlaug að gjöf með tilheyrandi aðstöðu. Ekki er sundlaug fyrir á Hofsósi.

Færa íbúum Hofsóss og nágrennis sundlaug

Athugasemdir

[Kristín Björg Þorsteinsdóttir, 29.3.2007 kl. 13:10]

Ég segi nú bara að það verður frábært að fá sundlaug á Hofsós. Þetta er dásamlegur staður og verður enn betri þegar sundlaugin kemur. Upplagt að fara og skoða Vesturfarasafnið, fá sér að borða hjá Dídí og fara síðan í sund.

[abelinn, 29.3.2007 kl. 13:11]

Það kann að vera að þeir eigi skítnóg en það ber að þakka fyrir svona gjafmildi. Þetta er frábært fyrir Hofsós sem á nú fyrir undir högg að sækja.