Hvað er í gangi?

 

Spurning á hverju menn byggja þessa andstöðu sína við Ingibjörgu Sólrúnu. Er fólk virkilega búið að láta þessa labbakúta í Sjálfstæðisflokknum mata sig á sífeldum rangfærslum og útúrsnúningum um konunna. Muna menn ekki eftir því að Ingibjörg stjórnaði Reykjavík í 10 ár og gerði það með sóma. Þar fór hún í fylkingarbrjósti þeirra sem náðu að halda saman 3 ólíkum flokkum og stjórna með myndarskap. Er fólk að dæma hana fyrir það að aðrir flokkar gátu ekki sætt sig við að hún kaus að ganga í Samfylkinguna og vildi hafa áhrif á landsmálin með því að bjóða sig fram til þings. Og framsókn gat ekki sætt sig við það og hótaði að slíta samstarfi Reykavíkurlistans ef hún yrði í framboði fyrir Samfylkinguna. Síðan hafa Sjálfstæðismenn stöðugt verið að höggva í hana og fólk snúið útúr öllu sem hún segir. 

Davíð gerði þetta líka að hætta sem borgarstjóri til að fara í landsmálinn. Það var ekki látið svona við hann.

Egill Helgason er líka að velta þessu fyrir sér í dag:

Makalaust er að sjá í könnun Gallups hversu konur eru neikvæðar í garð Ingibjargar Sólrúnar. Er þetta þó sú kona sem lengst hefur náð í pólitík á Íslandi, borgarstjóri í Reykjavík í næstum áratug, formaður næst stærsta stjórnmálaflokksins - eða það er hann að minnsta kosti á Alþingi. Fyrsta konan sem hefur raunverulega möguleika á að verða forsætisráðherra á Íslandi.

Hvað á maður að halda um þetta? Getur maður notað frasann konur eru konum verstar? Eða skiptir kyn kannski engu máli?

Ég kýs Ingibjörgu Sólrúnu og er þess fullviss að þjóðinni yrði vel borgið með hana sem forsetisráðherra. A.m.k frekar en Jón Sigurðsson, Steingrím J, Guðjón Arnar, Ómar Ragnarsson/Margréti Sverris, og betri kost en Geir Haarde.

 

Frétt af mbl.is

  Geir nýtur mestra vinsælda
Innlent | Morgunblaðið | 7.4.2007 | 18:20
Rúmlega 55% landsmanna hafa jákvætt viðhorf til Geirs H. Haarde, forsætisráðherra og formanns Sjálfstæðisflokksins, en tæplega 19% eru neikvæð gagnvart honum. Þetta kemur m.a. fram í símakönnun sem Capacent Gallup gerði dagana 28. mars til 2. apríl um viðhorf til formanna stjórnmálaflokkanna.

Geir nýtur mestra vinsælda

Athugasemdir

[Tómas Þóroddsson, 8.4.2007 kl. 00:41]

Kannski eru konur konum verstar. Einusinni afskrifaði ég þennan frasa, sagði að þetta myndi móta þær, en kannski er þetta bara svona hjá konum. 

[Elfur Logadóttir, 8.4.2007 kl. 12:50]

Það má heldur ekki gleyma því að það er nákvæmlega sami hópurinn sem svarar jákvæðni og neikvæðni gagnvart hverjum þessara formanna.

Þannig að þau 55% sem eru jákvæðir gagnvart Geir Haarde eru líklegast nokkurn veginn þau sömu 51% og eru neikvæðir gagnvart Ingibjörgu Sólrúnu.

Áhyggjuefnið er því ekki hversu margir eru neikvæðir gagnvart henni heldur frekar hversu fáir eru jákvæðir.

En það er náttúrulega í tísku að vera á móti Ingibjörgu Sólrúnu. það er enginn maður með mönnum (eða kona með konum) nema hann sýni að hann sé með á vagninum. Og samfylkingarfólk var allt of seint upp á afturfæturna til þess að verjast þessum áróðri. 

[Magnús Helgi Björgvinsson, 8.4.2007 kl. 17:54]

Elfur þetta er hárrétt hjá þér. Fannst t.d. að þingflokkurinn og í raun fleiri hefðu átt að bregðast mun fyrr við. Og eins þegar að dylgjur voru um missætti milli Össurar og Ingibjargar þá hefði Össur mátt ganga mun fyrr fram fyrir skjöldu og eyða þessu kjaftæði.  Ég er viss um að þetta hefði breytt miklu strax. En nú er um að gera fyrir Samfylkingarfólk að spýta í lófanna og vinna að krafti næstu vikur og þá lagast staðna.

Þega fólk er að lofa Geir Haarde og dæma aðra ætti það kannski að muna eftir þessum ummælum hans sem forsætisráðherra:

Fyrst um áhugavert viðhorf hans til kvenna:

Það er ekki alltaf hægt að fara heim með sætustu stelpunni á ballinu, en önnur gerir kannski sama gagn.

Þá um kuldalegar kveðjur hans til fórnarlamba kynferðisofbeldis í Byrginu:

Auðvitað er erfitt að fullyrða að stúlkurnar hefðu ekki orðið barnshafandi hvort eð var...

Og að síðustu afstaða hans til erindis Árna Johnsen aftur á þing:

Árni [Johnsen] nýtur fyllsta trausts forystu Sjálfstæðisflokksins

Svo mælir Forsætisráðherrann.

(tekið af http://hrannarb.blog.is )