Fékk Valgerður undirbúnar fyrirspurnir úr sal í Kastljósþætti á síðast þriðjudag

Var að lesa eftirfarandi á www.mannlif.is . Þetta er náttúrulega ekki ólöglegt en ódýrt. Og þá sérstaklega ef það er rétta að flokkssystur hennar og frambjóðendur á Suðurlandi hafi lesið upp spurninguna af útprentun á tölvupósti merktum Utanríkisráðuneytinu.

 

Sérhannaðar framsóknarspurningar

12 apr. 2007

Kastljós Sjónvarpsins blés til borgarafundar á Selfossi á þriðjudagskvöld þar sem stjórnmálafólk ræddi landsins gagn og nauðsynjar og svaraði spurningum úr sal. Valgerður Sverrisdóttir, utanríkisráðherra, sem var einn fulltrúa ríkisstjórnarinnar, virðist hafa fengið sérhannaða spurningu frá flokksystur sinni úr Suðurkjördæmi.

Framsóknarkonurnar Helga Sigrún Harðardóttir og Elsa Ingjaldsdóttir, sem skipa þriðja og fimmta sæti framboðslista flokksins í Suðurkjördæmi, voru meðal fundargesta úti í sal. Þegar Helgi Seljan, sem sveif með hljóðnemann um svæðið, gaf Elsu færi á að bera upp spurningu kaus hún að beina henni til Valgerðar.

Elsa las spurninguna upp af blaði og glöggir stuðningsmenn Frjálslynda flokksins sem stóðu nálægt henni ráku augun í að blaðið var útprent af tölvupósti frá utanríkisráðuneytinu. Elsa var með fleiri spurningar á blaðinu en fékk ekki færi á að koma þeim öllum að. Þær spurningar hefðu þó vart komið Valgerði í opna skjöldu þar sem þær virðast upprunnar í hennar eigin ráðuneyti ...
(www.mannlif.is )

Athugasemdir

[Guðný Anna Arnþórsdóttir, 12.4.2007 kl. 22:47]

Löglegt, siðlaust, hallærislegt og ódýrt. If you ask me.

[Magnús Helgi Björgvinsson, 12.4.2007 kl. 23:19]

Guðný Anna ég er sammála þér. En þetta var víst viðhaft á svona fundum áður. Og Framsókn er jú gamall flokkur sem leggur áherslu á þjóðleg gildi. En að passa sig ekki á að fela sönnunargögnin er náttúrulega ferlegt.