Er ekki í lagi með fjömiðla í dag?

Sjálfstæðisflokkurinn lækkar um 3,7% en aðalfyrirsögn er að Samfylkingin lækkar enn. Og það um heil 1,6% sem er vel innan skekkjumarka þar sem að það voru aðeins um 500 sem svöruðu þessari könnun. Fer nú að verða þreytandi. Finnst að það séu nú fréttir dagsins að skv. þessari könnun eru Vg með um 24,9% fylgi og hækka frá síðustu könnun en hjá Blaðinu hröpuðu þau niður í 15%. Eins að Sjálfstæðismenn mælast í þessari könnun með 37,1% en voru með um 45% í könnuninni hjá Blaðinu. Þetta eiga að vera kannanir að mæla fylgið á sama tíma en það er eitthvað alvarlegt að hjá einhverjum af þeim. Eins þá er alveg ótrúlega fáir sem svara þannig að vikmörk eru væntanlega +/- 3 eða 4%.

Frétt af mbl.is 

  Fylgi Samfylkingar minnkar enn
Innlent | mbl.is | 13.4.2007 | 18:05
Sjálfstæðisflokkurinn fær 37,1% atkvæða samkvæmt símakönnun sem Capacent Gallup gerði fyrir Morgunblaðið og Ríkisútvarpið dagana 3. til 9. apríl. Vinstrihreyfingin – grænt framboð fær 24,9% atkvæða, Samfylkingin 18,1% atkvæða og Framsóknarflokkurinn 9,9% atkvæða. Frjálslyndi flokkurinn fær 6,1% atkvæða, Íslandshreyfingin - lifandi land fær 2,9% atkvæða og Baráttusamtökin fá 0,9% atkvæða.

Fylgi Samfylkingar minnkar enn

Athugasemdir

[Júlíus Sigurþórsson, 13.4.2007 kl. 22:37]

En það hljómaði dásamlega, enda umræðu í útvarpinu um landsfund Samfó og ræðu IGS, en næsta frétt, nánast í óslitnu framhaldi var "Fylgi samfylkingarinnar dalar enn".... frekar meinlegt framhald

[Júlíus Sigurþórsson, 13.4.2007 kl. 22:38]

Með "dásamlega" á ég við spaugilega

Allir verða að geta brosað að kvöldi dags í pólitík.

[Stefán Einar Stefánsson (IP-tala skráð) 13.4.2007 kl. 22:43]

Hvort er meiri frétt að Samfylkingin sé komin niður í 18% eða að Sjálfstæðisflokkurinn er með 37%. Þegar Ingibjörg Sólrún tók við formennsku lofaði hún að gera Samfylkinguna jafn stóra og Sjálfstæðisflokkinn!

 Fyrst hún getur ekki staðið við loforð sín gagnvart flokksfélögum sínum, hvernig á hún með nokkru móti að geta staðið við loforð sín gagnvart kjósendum?

[Magnús Helgi Björgvinsson, 13.4.2007 kl. 23:00]

Samfylkingin er en á sama stað 19 +/- 2 eða 3%. Þetta er náttúrulega afleytt. En Ingibjörg gerir ekkert ein. Hún tók ekki við flokknum. Hún var kosin af meirihluta fulltrúa flokksins til að leiða starf hans. Þannig að það er flokkurinn ekki hún sem þarf að axla þessa stöðu. Það er ekki formaður sem leggur línurnar í lýðræðislegum flokki heldur er það félögin og félagar sem vinna þetta í nefndum og ráðum flokksins. Hún hefur nú ekki verið formaður nema í skamman tíma. Það tók sinn tíma fyrir flokkinn að ná sér eftir mikil kosninga átök og nú liggur á að flokksmenn þjappi sér saman. Mér líkar illa við þá hugmynd sem margir virðiast hafa að formaður flokks sé einráður. Þannig flokk mun ég ekki styðja. Ingibjörg hefur sýnt sig að geta stýrt stórum og ólíkum hóp og sigraði Sjálfstæðisflokkinn 3X í Reykjavík. Hún á erindi í ríkisstjórn og þangað hef ég trú á að Samfylkingin komist.

Aðeins aftur að formanni flokks. Þegar að einhverju lið gengur illa í fótbolta er nú ekki byrjað að skipta á formanni. Það er fyrst hugað að leikmönnum og þjálfurum og leikaðferðum. Það held ég einmitt sé það sem helst hefur skort á. Sem sagt hvernig fólk hefur komið fram stundum út á við meira sem einstaklingar en hluti af liði.

Eins hefur Ingibjörg mátt verða við stöðugum árásum frá sérstaklega Sjálfstæðismönnum sem hafa gert í þvi að ala á illvilja gagnvar henni. t.d. að hún hafi svikið Reykvíkinga þegar hún gekk í Samfylkingunna og tók sæti á lista. Fólk búið að gleyma að það voru framsóknarmenn sem gerðu þá kröfu að hún viki þá sem borgarstjóri.

[Magnús Helgi Björgvinsson, 13.4.2007 kl. 23:34]

Ok þjálfara þá. Þegar hann tekur við nýju liði þá fær hann tíma til að móta liðið. Með Össur þá er hann fínn og ég hef ekkert út á hann að setja. En það voru sterkar umræður um að aðrir flokkar mundu ekki starfa með Sf eg hann væri forsætisráðherraefni þeirrar stjórnar. Það var m.a. þessvegna sem Össur kallaði á Ingibjörgu og hún var kynnt sem forsætisráðherraefni Sf fyrir síðustu kosningar.