Er ekki rétt að bíða úrslita kosninga áður en menn fara fram á umboð til stjórnarmyndunar?

Finnst þetta hálf hrokafullt hjá honum Geir. Það gæt bara vel komið upp sú staða að þjóðin kysi þannig að hægt væri að gefa honum smá frí frá erlinum í forsetisráðuneytinu.

Eins á ég eftir að sjá það að Sjálfstæðismenn eigi eftir að láta af skítkasti því sem þeir hafa verið með t.d. út í Ingibjörgu Sólrúnu og gerast málefnalegir. En það verður gaman að fylgjast með því.

ps. Ekki byrjar það nú vel þetta með málefnalega kosningabaráttu var að lesa pistil í Fréttablaðinu eftir Einar K Guðfinnsson þar sem hann segir m.a.

Í eldhúsdagsumræðunni við þinglok mætti þingmaður flokksins til leiks með langan, digran og rándýran loforðalista. Sjálfur varaformaður flokksins eru svo heppinn að á sömu dagblaðsopnu og greint er frá hinni nýju aðhaldsstefnu flokksins í efnahagsmálum, kynnir hann milljarða loforðalista í átta tölusettum liðum, sem er augljóslega gjörsamlega á skjön við hina nýju efnahagssgtefnu flokksins.

Hér hefur það því gerst, sem er mikið nýmæli í stjórnmálum, að flokkur hefur sett fram stefnu, sem augljóslega er ætlað að tyfta málflutning frambjóðendanna.

Einar er jú ráðherra í ríkisstjórn þar sem Samgönguráðherra lofaði vega og samgönguframkvæmdum fyrir um 390 milljarða. Einar sjálfur búinn að standa í ævintýrum með hvalveiðar að gjörsamlega vanhugsuðu mál. Ég held að hann ætti að hlusta á formann flokksins og gera meira af því þegja þegar hann hefur ekkert vitrænt að segja.

Frétt af mbl.is

  Geir: Fer fram á endurnýjað umboð til að stýra næstu ríkisstjórn
Innlent | mbl.is | 15.4.2007 | 15:07
Geir H. Haarde, formaður Sjálfstæðisflokksins, sagði þegar hann sleit landsfundi flokksins í dag, að hann færi fram á það, að fá endurnýjað traust og endurnýjað umboð til að stýra næstu ríkisstjórn Íslands. Þá sagði Geir að kosningabaráttan, sem fer í hönd fyrir alþingiskosningarnar, yrði málefnaleg af hálfu flokksins vegna þess að þau málefni, sem flokkurinn setti fram, væru góð.

Geir: Fer fram á endurnýjað umboð til að stýra næstu ríkisstjórn

Athugasemdir

[Guðmundur Jónas Kristjánsson, 15.4.2007 kl. 21:38]

Magnús. Trúi enn að rikisstjórnin haldi velli. Sé að skoðanakönnunin
hjá þér er með Framsókn í 16%. Það skyldi þó ekki fara svo að það
yrði raunin og stjórnarkreppu og upplausn yrði afstýrt! - Vonum það
besta!

[Magnús Helgi Björgvinsson, 15.4.2007 kl. 21:44]

Því miður Guðmundur þá var einhver Framsóknarmaður svo ákafur að kjósa þannig að á einu korteri um daginn bættust 7% við ykkar fylgi hjá mér. Þannig að þið skutust upp í 18% þá. En við spyrjum að leikslokum og ég lofa þér að það verður engin stjórnarkreppa hér. Þið sem eruð í stjórn viljið gjarnan halda áfram og sjórnarandstaðan vill komast að þannig að verður samið fljótt hverjir sem hafa betur í kosningum.

[Magnús Helgi Björgvinsson, 15.4.2007 kl. 22:46]

En Þrymur er það ekki bara rómó og fínt. Það er sagt að fjallagrös og hundasúrur  séu mein holl og berjasafi líka. Og ekki verra að það sé við kertaljós. Reyndar skilst mér að heimilinn í landinu noti ekki nema nokkur prósent af því rafmagni sem er framleitt hér. Þannig að ef það fer eins og þú og flokkurinn spáið að öll fyrirtæki taki til fótan og fari erlendis þá eigum við nóg rafmagn. Held samt að þú þurfir ekki að hafa áhyggjur.

P.s. leitt að þú skyldir ekki komast í miðstjórn. Hefði líkað betur við flokkinn þinn með þig þar en Kjartan Gunnarsson.

[Magnús Helgi Björgvinsson, 15.4.2007 kl. 22:48]

Biðst afsökunar á þvi að það vantar stafi og þeim er líka ofaukið hér að ofan. Nenni ekki að taka færsluna út og skrifa nýja.