Sturla víst ekki hress með flugvallarskýrsluna.

Var að lesa á vefnum hans Egils Helgasonar að Sturla sé ekki hress mað þessa skýrslu  Egill segir:

Sturla Böðvarsson mun vera fúll vegna skýrslunnar um Reykjavíkurflugvöll. Eftir þetta kemur ekki til greina að byggja samgöngumiðstöðina. Hún hefur nákvæmlega engan tilgang. Það er fínt að fá þessa niðurstöðu frá sérfræðingum sem hafa rannsakað málið ofan í kjölinn. En þetta eru líka staðreyndir sem hafa legið í augum uppi og hafa margsinnis verið endurteknar á þessum vef:

Að það margborgi sig að taka flugvallarsvæðið í Vatnsmýrinni undir byggð og byggja í staðinn snotran innanlandsflugvöll hér við borgina. Ég skil eiginlega ekki að hægt sé að hafa neitt á móti því. Skýrsluhöfundarnir telja að af þessu geti verið þjóðhagsleg hagkvæmni upp á hátt í fjörutíu milljarða króna.

Ég skil alveg hvað hann er að segja. Hvaða vit er að byggja samgöngumistöð á svæði sem hugsanlega yrði að Íbúðahverfi. Með því að byggja þessa samgöngumiðstöð er verið að hleypa þangað inn allt of mikilli umferð og þar með að hefta framtíðar skipulag svæðissins. Eðlilegra að þessi miðstöð yrði einhverstaðar í tengslum við komandi Sundabraut. Eða á svæðinu í kring um Hádegismóa eða við Hólmsheiði.

Reykjavíkurflugvöllur sagður vera á mjög góðum stað frá sjónarhóli flugsamgangna og flugrekenda