Alveg vissi ég þetta að könnun Capacent var út úr kú

Það hlaut að vera að niðurstöður könnunarinnar í dag frá Capacent voru hreinlega rangar. Enda var engin sýnileg ástæða fyrir því að fólk hefði allt í einu ákveðið að flykkjast til framsóknar svona á síðustu metrunum

Úr frétt á www.visir.is

Vísir, 09. maí. 2007 18:57

Ríkisstjórnin með 46,7% samkvæmt nýrri skoðanakönnun

Sjálfstæðisflokkurinn fær 38,1% fylgi og Samfylkingin 29,1% samkvæmt nýrri könnun sem Fréttastofa Stöðvar tvö hefur látið gera fyrir sig. Þá fær Vinstri hreyfing grænt framboð 16,2 % og Framsókn 8,6% fylgi. Frjálslyndi flokkurinn fær þá 5,2% og Íslandshreyfingin 2,7%. Baráttusamtökin reka síðan lestina með 0,1%. Samkvæmt þessum er ríkisstjórnin fallin. Geir H. Haarde sagði á kosningafundi Stöðvar tvö í kvöld að fólk þyrfti að kjósa Sjálfstæðisflokkinn ef hann ætti að vera við völd áfram. Einnig sagði hann þessa skoðanakönnun benda til þess að vinstri stjórn væri hættulega nálægt ef taka ætti mark á þessari skoðanakönnun.

Ríkisstjórnin fallin samkvæmt nýrri skoðanakönnun