Voru menn ekki líka að tala um að strika yfir Árna Johnsen?

Þetta er helvíti skemmtilegt ef það skildi nú takast að stroka Björn út af það mörgum seðlum að það skipti máli. Eins minnir mig að sjálfstæðismenn hafi talað um á blogginu að fólk ætti að strika yfir Árna Johnsen á Suðurlandi. Það vekur en furðu mína gengi Sjálfstæðismanna á suðurlandi miðað við að í örðu sæti er maður sem hefur verið dæmdur til fangavistar fyrir fjárdrátt frá ríki og reyna að ljúga sig út úr því og tala svo bara um að þetta hafi verið „Tæknileg mistök"

Frétt af mbl.is

  Geir: Auglýsing Jóhannesar ósmekkleg og viðeigandi
Innlent | mbl.is | 11.5.2007 | 20:05
Geir H. Haarde, forsætisráðherra og formaður Sjálfstæðiflokksins, sagði í sjónvarpsumræðum í kvöld, að honum þætti auglýsing, sem Jóhannes Jónsson í Bónus birti í blöðum í dag, bæði ósmekkleg og óviðeigandi. Í auglýsingunni hvatti Jóhannes stuðningsmenn Sjálfstæðisflokksins í Reykjavíkurkjördæmi suður til að strika yfir Björn Bjarnason,

Geir: Auglýsing Jóhannesar ósmekkleg og óviðeigandi

Athugasemdir

[Örn Arnarson, 12.5.2007 kl. 11:13]

Gengi Sjálfstæðismanna er EKKI SÍST því að þakka að Árni er þarna.  Vestmannaeyjingar fylkja sér að baki honum því hann lofar göngum til Eyja.  Af hverju líka að kjósa flokk sem tekur svona mann aftur inn, þegar forsetinn er erlendis?  Ef það er ekki spilling þá veit ég ekki hvað er spilling.

[Magnús Helgi Björgvinsson, 12.5.2007 kl. 12:07]

Talandi um göng þá las ég þessa sögu á Silfri Egils:

"Það var einu sinni sem oftar verið að pæla í Vestmannaeyjagöngum. Frá Japan var fenginn færasti hönnuður sjávarganga í heimi. Hann hafði tekið þátt í byggingu lengstu slíkra ganga í veröldinni. Íslenskur verkfræðingur tók á móti Japananum á flugvellinum. Síðan var keyrt sem leið liggur austur fyrir fjall.

Japaninn varð æ órólegri eftir því sem leið á ferðina, skimaði áhyggjufullur út í auðnina. Varð aðeins rólegri þegar Hveragerði og Selfoss birtust. Varð kvíðinn á svipinn þegar aftur var keyrt út í dreifbýlið. Maðurinn hélt greinilega að væri verið að ræna sér.

Loks kom bíllinn ofan í eyðilega fjöru. Verkfræðingurinn benti niður í sjávarmálið og sagði við Japanann: Hérna eiga göngin að vera.

Japaninn varð mjög undarlegur að sjá. Kastaði sér ofan í sandinn og velti sér í honum, hegðaði sér einkennilega. Stóð svo upp og spurði:

Hvað býr margt fólk hérna?

4000 manns, svaraði íslenski verkfræðingurinn.

Þið eruð geðveik! hrópaði Japaninn.

Þar sem hann hafði byggt sjávargöngin sín löngu bjuggu 50 milljónir öðru megin og 100 milljónir hinum megin."