Hvað voru kjósendur að hugsa?

Kjósendur á Suðurlandi og Reykjavík sem notuðu útstrikanir héldu þeir virkilega að þeir gætu einhverju breytt. Það þarf svo feiknalegan fjölda útstrikana til að koma mönnum nógu niður listann að það var aldrei raunhæft. Þannig að þeir eru búnir að kjósa hernaðarsinnaðan einræðisherra áfram í stjórn og "tæknileg mistök" inn á þing.

Hvað halda þeir sem kusu frjálslynda að þeir væru að fá inn á þing. Það hefur verðið nokkuð ljóst að Frjálslyndir hafa ekki þann styrk eða stjórnkænsku til að koma málum sínum á koppinn. Þá hafa þeir líka kosið inn á þing mann sem kom þessari útlendinga vitleysu af stað með "Ísland fyrir íslendinga" Og fólk skal gæta að því að nú eru á þingi a.m.k. 2 fyrrverandi þingmannsefni Sjálfstæðismanna fyrir Frjálslynda og einn fyrirverandi þingmaður Framsóknar.

Kjósendur hafa tryggt áframhaldandi stjórn flokka sem eru aðeins með 47 til 48% fylgi.

Rétt að minna fólk á þetta reglulega þegar það æsir sig yfir því þegar að orkufyrirtækin verða einkavædd og þjónustugjöld hækka og öryrkjar kvarta.

 

Verið að skoða ýmis mál varðandi hugsanlegt samstarf

Athugasemdir

[Einar Örn Ólafsson (IP-tala skráð) 13.5.2007 kl. 23:14]

Einkavæðingin ætti að vera að hinu góða en það virðist ekki vera hljómgrunnur fyrir samkeppni á þessu litla landi okkar (eða að fólk ruglar saman samráði og samkeppni).

[Magnús Helgi Björgvinsson, 14.5.2007 kl. 00:25]

Já ég er alveg sammála þessu. Það er í raun bara á matvörumarkaði sem samkeppnin hefur eitthvað virkað eftir að bónus kom fram. En allt annað hefur sýnt sig skila neytendum litlu nema hækkunum.

Og fyrirtæki eins og Landsvirkjun hefur enga til að keppa við þar sem að fyrirtæki eins og Orkuveitan og Hitaveita Suðurnesja er búin að binda mest af sinni orku til stóriðju þannig að það er lítið sem þau hafa til að selja almenningi. Einnig að þeir hafa ekki fengið það hátt verð fyrir það rafmagn sem selt er til stóriðju að það greiði niður orkuverð til okkar