Atvinnumótmæli - Hver borgar?

Í fréttum á Ruv - sjónvarpinu  var eftirfarandi fullyrt í kvöld:

Mótmælendum greitt fyrir að láta handtaka sig?

Mótmælendur á vegum samtakanna Saving Iceland fá peningagreiðslur ef þeir eru handteknir af lögreglu, samkvæmt heimildum fréttastofu Sjónvarps.

Níu voru teknir vegna mótmæla við Hellisheiðarvirkjun í morgun, þar af einn sem klifraði upp í byggingarkrana.

Talsmaður samtakanna Saving Iceland hafnar því að fólk innan samtakanna fái greitt fyrir að taka þátt í mótmælum eins og þeim sem fram fóru í morgun. Þetta sé hugsjónastarf, unnið af sjálfboðaliðum.
www.ruv.is

Mér er einhvern veginn illa við svona fréttir þegar svona er fullyrt án þess að frekari skýringar fylgi með. T.d. er mér með öllu óskiljanlegt hverjir það eru sem eiga að vera að borga. Er þetta ekki bara kjaftasaga sem hefur verið að vinda upp á sig síðustu vikur? Ég man eftir að hafa heyrt einhvern velta þessu fyrir sér í einhverju viðtali um daginn. Og ef þetta eru einhver erlend samtök þá eigum við rétt á að RUV upplýsi það.

Átta mótmælendur handteknir

Athugasemdir

[Guðmundur Jónas Kristjánsson, 27.7.2007 kl. 01:00]

Mikið er sakleysið ykkar vinstrimanna Magnús minn varðandi þetta
anarkistalíð. Bloggaði í gær um þessa stjórnleysingja og vetlingjatök lögreglu gagnvart þessum skríl, sem eru meiriháttar brandari........

[Magnús Helgi Björgvinsson, 27.7.2007 kl. 10:08]

Ég er ekkert að segja að ég sé meðmæltur aðferðum þeirra að minnsta kosti ekki þar sem þeir skemma eignir annarra og svoleiðis en þegar einhver fullyrðir að þeir fái greitt fyrir þetta þá verður um leið að geta þess hverjir það eru sem greiða. Eru það innlendir aðilar? Alþjóðlegri aðilar? Eða hverjir? Eru það kannski fyrirtæki? Ríkisstjórnir? Hverjir hafa peninga og eru tilbúnir að greiða þessu fólki?