Svo kusu sunnlendingar þennann mann á þing!

Ég verð að segja að þetta er nú ekki traustverðug ummæli um mann sem sunnlendingar kusu aftur á þing.

www.visir.is

Í yfirlýsingu sem Þjóðhátíðarnefnd sendi Stöð 2 í dag eru ummæli Árna kölluð leirburður, og sögð vera bæði ósönn og ærumeiðandi. Páll hafi ekki svarað með þeim hætti sem Árni lýsir, hann hafi þess í stað sagt spurninguna ósanngjarna, þar sem Þjóðhátíðarnefnd blandi ekki pólitík við sín störf.

Í yfirlýsingunni ítrekar Þjóðhátíðarnefnd ástæðu þess að Árna var gert að hætta sem kynnir. Það hafi verið í kjölfar þess að Árni hafi slegið söngvarann Hreim Heimisson á Brekkusviðinu árið 2005. Nefndin segir að öll vitni að atburðinum hafi verið sammála um að Árni hafi slegið Hreim. Í framhaldi segir í yfirlýsingu Þjóðhátíðarnefndar:

„Þessi atburðarás varð til þess að Þjóðhátíðarnefnd tók þá ákvörðun einróma að skipta um kynni. Það skal tekið fram að þetta er ekki í fyrsta og eina skiptið sem Árni missir stjórn á sér á Brekkusviðinu og sýnir af sér dómgreindarskort."

Þjóðhátíðarnefnd segir að ummæli Árna í Þjóðhátíðarblaðinu séu aumkunarvert yfirklór, sem nefndin kjósi að skoða sem tæknileg mistök. Í niðurlagi yfirlýsingarinnar segir:

„Nefndin treysti sér einfaldlega ekki lengur til að bera ábyrgð á Árna Johnsen sem kynni á Brekkusviðinu. Það er lykilatriði í málinu. Lái okkur hver sem er."

Athugasemdir

[Guðmundur Björn, 2.8.2007 kl. 20:17]

Hrafnkell:

Þessi orð þín segja bara margt um þig.  

[Magnús Helgi Björgvinsson, 2.8.2007 kl. 20:23]

Ja hann Hrafnkell er jú vanur að færa orðin sín í dálítið grófan búning. En við að kíkja á bloggið hans má sjá að hann var ekki í góðu jafnvægi þegar hann opnaði launaumslagið sitt. EN ég verð að vera sammála Guðmundi að þetta er nú full gróft orðalag.