Menn eru kannski alveg búnir að fá nóg af Finni en ég verð!

Ætla menn hér á blogginu að láta þetta fara án þess að tjá sig um þetta. Hér fer maður sem vann ötlulega að því að selja ríkisbankanna sem ráðherra. Gerist síðan seðlabankastjóri þegar hann hafði lokið sínum undirbúning. Fær síðan góða stöðu innan S hópsins og hefur nú haft 4,9 milljarðar upp úr krafsinu eftir að hafa ávaxtað fyrrum ríkiseignir í nokkur ár. Mönnum finnst þetta kannski allt í lagi?

Selur allan hlut sinn í Icelandair fyrir 4,9 milljarða

Athugasemdir

[Árni Gunnarsson, 1.9.2007 kl. 11:08]

Nei, þetta er sko andskotann ekkert í lagi.

Fyrir ekki alllöngu spurði ég góðan vin minn og einn af lykilmönnum annars af fyrrum ríkisbönkunum. Ég spurði hann hálf vandræðalegur hvor ég væri vonlaus heimskingi ef ég héldi því fram að það hefði verið glópska að selja ALLA hlutina í bönkunum, og hvort ekki hefði verið gáfulegra fyrir ríkið að halda eftir svona 25%.?

Hann svaraði mér því að hvergi annarsstaðar en á Íslandi hefði nokkrum manni dottið annað í hug en að halda eftir ákveðnum hluta.

Enda hefði í aðdraganda sölunnar ævinlega verið talað um kjölfestufjárfesti!

"Auðvitað átti ríkið sjálft að vera þessi kjölfestufjárfestir", sagði þessi maður og virtist jafn agndofa og ég yfir þessari fáránlegu glópsku.

Auðvitað á ríkið ekki að vera að vasast í rekstri fyrirtækja! Þessi ályktun er orðin jafn inngróin í þjóðarsálina og að biðja Guð að hjálpa sér þegar maður hnerrar.

Ég hef ekki vitsmuni til að skilja þetta til fulls.

[Magnús Helgi Björgvinsson, 1.9.2007 kl. 16:56]

Sammála annað hvort að eiga kannski svona 20% í hvorum eða a.m.k örðum. Það er líka þetta að fyrrum ráðherra sem höndlaði með allann undirbúning að sölunni hefur nú hagnast um 4,9 milljarða á innan við 6 arum + laun upp á fleiri milljánir á ár. Já það væri gaman að hugsa til þess hvað mikið ríkið ætti núna ef bankarnir hefðu ekki bara verið gefnir í raun gæðingum þáverandi stjórnvalda. Því að það gleymist að bankarnir voru seldir eftir að þeir höfðu fjárfest mikið á síðustu mánuðum fyrir verðmat. Keypt tryggingarfélög og fleira sem síðan eftir kaup var starx hlutað frá bönkunum aftur. Og með bönkunum fylgdi óinnleystur arður ársins sem nam milljörðum. Verður gaman eftir nokkur ár þegar þessi viðskipti verða skoðuð í sögulegu samhengi.

[Sævar Einarsson, 2.9.2007 kl. 16:05]

Þetta var mest allt lánsfé, hann hefur ca 200 milljónir í hreinan gróða þegar hann er búinn að borga lánið, en samt eru 200 milljónir dágóður slatti.

[Magnús Helgi Björgvinsson, 2.9.2007 kl. 19:37]

Ekki nema 200 milljónir það finnst mér lítið. Hefði nú haldið miðað við aukningu á verðmæti fyrirtækissins eins og öðrum fyrirtækjum í Kauphöllinni þa væri þetta meira. En síðan er spurning hvaða bankar eru tilbúnir að lána einstakling á 5 milljarð með veði í ótryggum hlutabréfum. Þetta gæti nú komið í hausinn á þeim ef þeir gera þetta almennt.

[Sigurjón Sigurðsson, 3.9.2007 kl. 08:59]

Ég skal tjá mig og skjóta pínu fast.

Finnur Ingólfsson er einn allra allra mislukkaðisti stjórnmálamaður seinni ára og að annar heitur í hópnum, H.Á. skyldi detta til hugar fyrir ekki allöngu að fá hann aftur inn í forystusveit Framsóknarfl. sýnir bara hve báðir þessir aðilar eru langt frá því að vera tengdir við fólkið í landinu.

Ég fór nefnilega að hugsa um daginn ,,hvar ætli Finnur Ingólfs væri að vinna hefði hann ekki farið þessa sultuleið á toppinn"?

Hef ekkert á móti Framsókn eða öðrum flokkum. Kaus þá seinast til að sýna stuðning við gamla skólastjórann minn, Jón Sigurðsson, sem ég hef mjög mikið álit á.

Njótið dagsins þótt blautur sé :)

Mbk. Sigurjón Sigurðsson