Kannski að menn fari nú að átta sig í Kópavogi

Jafnvel kettir farnir að kvarta. Það sem fólk er í raun að segja stjórnvöldum er að: Við viljum að bærinn taki mið af fólkinu sem býr nú í Kópavogi. Við viljum bæ þar sem við getum verið sæmilega örugg um börnin okkar fyrir umferð. Við viljum ekki bæ þar sem að allar íbúðargötur verða eins og Hringbraut eða Miklabraut með tilheyrandi mengun og hávaða.

Þó að bæjarstjóri sé með einhver markmið um að bærinn stækki ógurlega og nái frá Kársnesi upp á Sandskeið þá er það ekki endilega það sem hentar þeim sem búa í Kópavogi.

Við höfum séð mörg kjörin tækifæri til að skapa líflegan og fallegan miðbæ hverfa með tilviljunarkenndu byggingaræði sem hefur skemmt hvert svæðið á eftir öðru. Miðbærinn gamli hálfgert frímerki og rokrassgat upp á hæðstu hæðum bæjarins. Kópavogsdalur þar sem hægt hefði verið að byggja fallegan miðbæ er orðið að ósamstæðum háhýsum sem engin kemst eða langar á milli nema akandi.

Það er mín trú að með tímanum verði verðfall á íbúðum í kring um þetta svæði þar sem umferð þar verður gífurleg sem og skuggar vegna háhýsa verða miklir allan veturinn þegar sólin er lægst á lofti. Þetta verður til þess að fólk flýr úr hverfum næst Smáratorgi og Smáralind .

Athugasemd heimiliskattar um Kársnesið ekki talin með

Athugasemdir

[thora gunnarsdottir (IP-tala skráð) 12.9.2007 kl. 23:20]

hæ

sem sambæjarmaður þinn vil ég bæta við að þetta mál er mál allra Kópavogsbúa. ég bý austan við gjána og er með baráttuspjald á svölunum hjá mér, nágrönnum mínum til undrunar. en þeim fannst sá fáni betur eiga við á kársnesinu sjálfu. þar er ég ósammála. þetta er mál allra kópavogsbúa. eitt staldra ég þó við. kópavogur er og verður alltaf úthverfi. sem er bara allt í lagi. allar áætlanir sem menn hafa um hafnir og miðbæjarkjarna eru kannski óskhyggja um stórmennsku sem að mín mati má bara sleppa. mér finnst ekkert nauðsynlegt að hafa höfn eða miðbæjarkjarna hér vegna þess að úthverfabragur bæjarins finnst mér aðlaðandi. skilgreining úthverfis er staður þar sem maður getur búið í ró og næði, þar eru ekki stórir iðnaðarkjarnar né blómstrandi miðbæjarlif með kaffihusum og þess háttar né stórskipahöfn með vöruflutningabílalestum. ég get alveg sætt mig við kópavog án þessara hluta og glatt mig við að fara í bakarííð a morgnana, etið það sem ég keypti þar í garðinum hjá mér og gengið um lágreyst bryggjuhverfi fyrir smábátinn minn ef ég þess óska.. en það er bara ég....kveðja þóra

[Magnús Helgi Björgvinsson, 13.9.2007 kl. 05:00]

Ég sá nú alltaf fyrir mér þegar verið var að ræða um Kópavogsdalin á nágreni sem hugsanlegt miðsvæði Kópavog að þar yfrði einhver kjarni þar sem gaman yrði að koma og labba um. Hugsaði mér t.d. að þar yrði ráðhús, torg og hús kannski upp á 3 til 4 hæðir með verslunum, veitingarhúsum og þessháttar á neðstu hæðunum . Hefði t.d. getað hugsað mér að hafa þar hverfi sem hannað væri í heild eins og Bryggjuhverfið. Kom þangað um daginn og ef það væru verslanir í meiramæli á jarðhæðum þá væri þetta frábær hugmynd að miðbæ eins og ég hugsaði mér. Síðan hefði þessi miðbær tengst gönguleiðinni sem liggur með Kópavogslæknum. Síðan sá ég fyrir mér að Kópavogstún yrði skipulagt sem lystigarður og útivistarstaður. En þetta verður ekki úr þessu.

Ég er alveg sammála þér með stórskipahöfn þurfum hana ekki. Og eins þá held ég að hóflegt bryggjuhverfi á Kársnesi væri eitthvað sem flestir gætu sætt sig við.