Gott að standa með sínu fyrirtæki. EN!!!!

Í þessari yfirlýsingu vantar hvernig þessum starfsmönnum lýst á að GT verktakar stofni starfsmannaleigu í Lettlandi og flytji hingað inn menn til að vinna fyrir GT verktaka. Og komi svo í fjölmiðla og segi að ráðningarkjör þessara manna og launmál séu ekki sitt mál. Síðan bendir einhver fjölmiðill á að sennilega er þessi starfsmannaleiga í eigu sömu einstaklinga skv. vef Vinnumálastofnunar. Og nú loks kemur það í ljós.

Bíddu er það þá framtíðin að fyrirtæki stofni starfmannaleigu erlendis flytji síðan inn starfsmenn á þeim kjörum sem tíðkast  í upprunalandi þeirra. Held að starfsmenn GT verktaka skipti um skoðun ef að launin þeirra fara að lækka vegna þess að GT verktakar vísa í það að þeir geti fengið starfsmenn frá Lettlandi í gegnum eigin starfsmannaleigu.

Eins þá fer í taugarnar á fólki að með þessu hefur verið opnuð leið til að vísa ábyrgð frá sér.

Þá er bara skiljanlegt að stéttarfélög bregðist svo harkalega við því að það hefur verið lítið gert í þessum málum þarna fyrir Austan gagnvar öðrum fyrirtækjum sem hafa verið að brjóta af sér í gegnum tíðina þarna upp á Kárahnjúkum.

Hefur hingað til verið beitt silkihönskum á þessi mál. Sennilega til að seinka ekki framkvæmdum.

Yfirlýsing frá almennum starfsmönnum GT verktaka

Athugasemdir

[Þórhallur V Einarsson (IP-tala skráð) 10.10.2007 kl. 20:33]

í þessa yfirlýsingu vantar ekki neitt og ekki verið að taka efnislega afstöðu í einu eða neinu nema því er snýr að starfsmönnum og fjölskyldum þeirra.  Það sem kemur fram í bréfi þínu og annarra eru engin sannindi en sé fótur fyrir því er það miður.  en til þess er réttarkerfið að komast að því en ekki dómstóll götunnar og gæjar eins og þú og fleiri sem þykjast vita alla hluti betur en aðrir.  En gætið að,  hér er þörf á aðgát og menn skulu fara varlega í að dæma, þeir sem dæma hvað harðast eru yfirleitt þeir sem hafa eitthvað slæmt á samviskunni sjálfir.

[Magnús Helgi Björgvinsson, 10.10.2007 kl. 21:42]

Ég er ekkert að dæma eitt eða neitt. Ég var bara að endurspegla það sem maður hefur heyrt frá þessum 2 fyrirtækjum.  Ég held að margir atvinnuveitendur mundu hlaupa til og stofna útibúi í Lettlandi ef þeir gætu vísað alltaf á það fyrirtæki eins og það tengist þeim ekki neitt. Þó þeir óvart eigi það líka.

Meira að segja var annar eigandin ekki viss um hver ætti þessa starfmannaleigu fyrir nokkrum dögum og talaði um að hún hefði haft samband við GT og boðið þeim starfsmenn í 2 mánuði.

Ég vona að þetta reynist hin mesti misskilningur allt saman. EN ég hræðist að þessi vinnubrögð eigi eftir að sauma illa að íslenskum starfsmönnum verktaka á næstu árum. Því að líkurnar eru á því að ef einhverjir komast á svig við lögin þá leita aðrir þangað líka.