Fyrir og eftir einkavæðingu Símans

Gott dæmi um að einkavæðing er ekki alltaf trygging fyrir hagstæðari verðum. Segir okkur að Exista er að mjólka neytendur hér á landi. Erum komin úr því að vera með einna ódýrustu símaþjónustu yfir í að vera dýrust á 3 til 4 árum. Hér á landi virðist allir markaðir þróast út í fákeppni. Það er nokkuð ljóst að við erum látin borga fyrir þessa útrás og fjárfestingaæði. Enda ekki nema von því að þessir menn eru búnir að læra að við borgum bara það sem þeir setja upp.

Farsímaþjónusta dýrust á Íslandi

Athugasemdir

[Sigurjón, 27.11.2007 kl. 10:49]

Fyrir það fyrsta hefur Síminn ekki verið í ,,útrás" fyrr en nú nýlega og í öðru lagi HEFUR farsímaþjónusta lækkað hér á landi líka, þó ekki jafn hratt og á hinum norðurlöndunum.

Á hinum norðurlöndunum hefur farsímaþjónustan líka verið einkavædd, athugaðu það. 

[Þórdís Bára Hannesdóttir, 27.11.2007 kl. 11:16]

....og hvar er að finna pósthús nú til dags?  maður bara spyr.    Frelsi, einkavæðing, frjálshyggja... þjónustan hefur versnað hvað sem öðru líður.

[Magnús Helgi Björgvinsson, 27.11.2007 kl. 12:00]

Ég sagði það aldrei að Síminn hefði verið í útrás. En Exista sem á síman er starfandi bæði hér og erlendis. Þá er bara ekki hægt að bera saman einkavæðingu hér og annars staðar því að hér eru það ekki nema ein eða tvær blokkir sem hafa keypt allt sem ríkið hefur látið frá sér og við svo látin með hærri gjöldum ( því að að kosnaður við þessa þjónustu hefur lækkað sbr. lækkanarnir í öðrum löndum) borga lánin og arð sem móðurfélög eyða svo í önnur dótturfélög erlendis.

[Sigurjón, 29.11.2007 kl. 00:22]

Hafir þú heimildir fyrir því að Exista nota hagnað af Símanum til að greiða niður önnur félög, skaltu tilkynna það til efnahagsbrotadeildar lögreglunnar, því það er lögbrot.

Svo minni ég aftur á að farsímaþjónusta hér á landi hefur lækkað og það talsvert mikið.

[Magnús Helgi Björgvinsson, 29.11.2007 kl. 00:34]

Þú afsakar ég skil ekki afhverju ég ætti að kæra þetta. Exista á Símann. Exista fær væntanlega arð af eignum sínum þegar þær skila hagnaði. Exista hefur því frjálsræði um hvernig þeir ráðstafa þeim arði. Og þetta með að farsímaverð sé að lækka er náttúrulega útúrsnúningur. Farsímaverð hér var lægra en annarstaðar t.d. Norðulöndum áður en Síminn var seldur. Þannig að þó að farsímaþjonusta lækki hér eitthvað þá hefur hún ekki lækkað eins og annarsstaðar þrátt fyrir að Síminn hafi verið seldur. Ef allt væri með feldu værum augljóslega ennþá lægst.

 Einnig bendi ég á að Síminn langstærsti aðilinn á markaðnum ætti að öllu óbreyttu að vera með ódýrustu gjöldin í öllum flokkum, heimasíma, neti og farsímum en er hvergi nálægt því. Þeir treysta á fastheldni íslendinga sem margir eru mjög tregir til að breyta þrátt fyrir ódýrari þjónustu annarsstaðar.  Og um leið þá auka þeir náttúrulega hagnað sinn með því að við erum að greiða hærra verð en við þyrftum.