Björólfur Thor er klár

Fór eftir Kastljós í kvöld að velta fyrir mér af hverju að ég mundi ekki eftir Björgólfi Thor á lista yfir hæstu skattgreiðendur. Því þarna var hann m.a. að tala um að hann hefði hagnast gríðarlega á sölu Búlgarska símanum. Þannig ég reiknaði með að hann hefði á síðasta ári haft líka gríðarlegar tekjur. EN viti menn hann var ekki að finna þar. Mig rámar í að hann greiði sína skatta erlendis. Klár karl:

Frétt af ruv.is

Hreiðar Már Sigurðsson, forstjóri Kaupþings, er skattakóngur Íslands. Hann greiðir rúmlega 400 miljónir króna í opinber gjöld. Þrír hæstu greiðendur opinberra gjalda hér á landi eru búsettir í umdæmi skattstjórans í Reykjavík.

 

Í umdæmi Skattstjórans í Reykjavík voru opinber gjöld ríflega 80 miljarðar. Hreiðar Már Sigurðsson trónir þar á toppnum með 400 miljónir. Hann greiddi í fyrra 110 miljónir króna og var þá í þriðja sæti yfir íslenska skattgreiðendur. Í öðru sæti er Hannes Smárason, forstjóri FL Group, með tæpar 377 miljónir og í þriðja sæti Ingunn Wernersdóttir fjárfestir með 288 miljónir. Þau þrjú eru einnig efst yfir landið allt. Langt bil er síðan í þann sem er í fjórða sæti, Eirík Kristján Guðnason, en hann greiðir 106 miljónir og í fimmta sæti er Guðmundur Ingi Jónsson með 88 miljónir.

En þó finnst manni skýringar hans á af hverju að við eigum að sleppa því að ganga í ESB en taka bara upp gjaldmiðil að eigin vali nokkuð ódýrar. Hann talar um að forðast reglugerðarfarganið í ESB. Og þegar hann skýrði það betur þá var það frelsi fyrirtækjanna. Og þegar menn segja svona þá hugsa ég alltaf "Já holur til að sleppa við að fara að almennum reglum" T.d. eins og færa allar eignir sínar eins lands vegna skatta þar. Stofna annað í öðru landi til að sleppa við að greiða söluskatt.

Ég er farinn að halda að á endanum greiði engin fyrirtæki hér skatt eða eigendur þeirra.

Viðskiptablöð veita viðurkenningar

Athugasemdir

[Guðmundur Jónas Kristjánsson, 28.12.2007 kl. 10:55]

Björgólfur Thor hefur lagt fleiri milljarða til íslenzks samfélags, þ.á.m
skatttekjur í gegnum sín fjölmörgu fyrirtæki sín sem eru skráð hér,
þótt hann persónulega sé skráður í Englandi og greiði sína persónulegu skatta þar. Skil vel gremju ykkar ESB-sinna út í hann.
Hann er í senn mikill fjármálamaður og Íslendingur og sér miklu meiri
möguleika fyrir Ísland utan Brussels-miðstýringavaldsins en innan þess. Bara það að við inngöngu Íslands í ESB missum við öll réttindi
að gera viðskiptasamninga Á OKKAR FORSENDUM við ÖLL ríki heims utan ESB,   segir allt og sem Björgólfur Thor sér og skilur, en ESB-sinnar alls ekki.