Af hverju eru íslenskir bankar með svona hátt tryggingarálag?

Það er alltaf talað um að þetta stafi af misskilningi erlendra aðila  um stöðu mála hjá íslensku bönkunum. Ég bara kaupi það ekki. Ég trúi ekki að stórir bankar sem eru að lána til annarra banka séu ekki vel upplýstir um stöðu þeirra sem þeir eru að lána. Það er t.d. einkennilegt að Landsbankinn er með helming lægra skuldaálag en Kaupþing. Gæti ekki verið að bankar erlendis séu að horfa í það að Kaupþing hafi farið hamförum í fjárfestingum út um alla Evrópu. Og kannski oftar en aðrir hefur bankinn sjálfur verið að fjárfesta í stað þess að lána öðrum eins og bankarekstur snýst jú mest um. Það er eitthvað sem veldur þessum mun á milli banka hérlendis og líka milli þeirra og erlendra banka. Ég trúi ekki að stórir aðilar á lánamarkaði erlendis séu illa upplýstir um stöðu mála hér. Og hef trú á að stórir bankar með mun fleiri sérfræðinga hljóti að vera að minnstakosti eins hæfir eða hæfari til að greina stöðu mála hér.

Álagið í hæstu hæðum

Athugasemdir

[Guðmundur Jónas Kristjánsson, 23.2.2008 kl. 01:10]

Magnús. Hef aldrein skilið eða fengið haldbæra skýringu á þessum
botlausum kaupum íslenzkra banka á svokölluðum erlendu ,,jöklabréfum"? Og nú í þessum mánuði. Getur þú útskýrt það? Sem virðist vera ,,tífandi tímasprengja" hvarðandi gengið..

[Magnús Helgi Björgvinsson, 23.2.2008 kl. 03:38]

Já mér er sagt að það sé ein ástæðan fyrir því að Seðlabankinn tregðist við að vexti því þá mundu erlendir aðilar fara að innleysa þessi bréf í svo miklu mæli að krónan mundi hrapa í frjálsu falli. Og þá yrði fjandinn laus.

Finnst ekki gott þetta brask með íslenskan fjármálamarkað hvorki hjá bönkunum okkar né þetta brask erlendra fjárfesta jafn vel ríkja sem hafa verið að kaupa þessi "krónu" og "jökla" bréf.

En meira veit ég ekki. Og þessir svokölluðu sérfræðingar hér á landi virðast ekki vita mikið um þetta heldur því manni finnst bara engar spár standast milli mánaða hjá þessum mönnum.