Rétt skal vera rétt

Vegna færslu minnar hér að neðan er jú rétt að láta þessa frétt sem er af www.ruv.is koma hér:

Fyrst birt: 07.03.2008 07:53

Síðast uppfært: 07.03.2008 07:57

Kárahnjúkavirkjun: Mistök Álfheiðar

Álfheiður Ingadóttir, þingmaður Vinstri grænna, segir ljóst af skýrslu iðnaðarráðherra um kostnað við Kárahnjúkavirkjun að hann sé mun meiri en áður hafi verið rætt um. Hún segist hins vegar hafa gert mistök þegar hún bar saman ósambærilegar tölur í kvöldfréttum Útvarpsins í gær. Álheiður bað í haust iðnaðarráðherra um skýrslu um kostnað við Kárahnjúkavirkjun, og var hún lögð fram í gær.

Álfheiður las úr skýrslunni að heildarkostnaður við virkjunina hefði farið 59 % fram úr áætlun. Landsvirkjun vill meina að verkið hafi farið 7 % fram úr þegar hún hafi verið uppfærð með tilliti til verðlags.

Það hafi aðallega gerst vegna tafa og erfiðleika við gangnagerð. Landsvirkjun áætlar að heildarkostnaður vegna virkjunarinnar verði ríflega 133 ma.kr. að meðtöldum fjármagnskostnaði. Álfheiður segir þessa upphæð mun hærri en menn hafi viljað viðurkenna hingað til og því mikilvægt að fá þessa niðurstöðu fram.