Hvet alla til að lesa mjög upplýsandi grein eftir Egil Helgason um þessi mál

Í greininni á síðunni sinni segir Egil m.a.

Ég hef ekki mikla samúð með samtökum eins og Hamas. En ég hef séð með eigin augum ástandið sem rekur unga Palestínumenn í fangið á öfgamönnum. Menn verða að gæta þess að rugla þessu ekki saman við umræðuna um íslamismann.

Þegar ungur maður sem býr í breskri borg sprengir neðanjararlest hefur það ekkert með kúgun að gera. Hann hefur einfaldlega gefið sig á vald ofstækisfullri hugmyndafræði. Mohammed Atta var maður sem hafði öll tækifæri í lífinu líkt og tilræðismennirnir 11. september 2001.

Palestínumenn eru hins vegar undirokaðir og píndir á alla lund. Ísraelsmenn beita öllum brögðum til að ræna landi þeirra; þeir reisa landnemabyggðir í trássi við alþjóðalög, leggja vegi sem þeir einir mega nota, stela vatni, beita stöðugu ofbeldi þar sem mælikvarðinn er eins og við höfum séð síðustu daga í árásunum á Gaza – hefndin þarf helst alltaf að vera hundraðföld og það er passað að hún bitni á óbreyttum borgurum.

Síðan endur birtir hann eldri grein sem er mjög upplýsandi um sögu m.a. Zionisa í fáum orðum

Ísraelsk yfirvöld gagnrýnd

Athugasemdir

[DoctorE (IP-tala skráð) 7.3.2008 kl. 13:40]

Þetta er bókastríð, hver á bestu bókina með besta súpergeimgaldrakarlinum, margir kristnir hér á klakanum hafa fallið fyrir áróðursriti gyðinga, biblíunni.. svo lengi sem trúarbrögð verða við lýði mun aldrei skapast friður.
Staðreynd sem menn verða að horfast í augu við

[Þórbergur Torfason, 7.3.2008 kl. 13:46]

Sæll Magnús. Það er aldrei of oft áréttað hvernig yfirgangur Gyðinga er að drepa niður sálarþrótt, nánast sinna eigin fjölskyldumeðlima. Mér finnst alveg með hreinu ólíkindum að lesa, td. umsagnir á síðunni hjá Jóni Val.