Nú væri rétt fyrir suma að fara að stunda dýralækningar!

Það er náttúrulega með ólíkindum að Árni skuli leyfa sér að koma með vangaveltur um hlutleysi umboðsmanns Alþingis. Þetta er það embætti sem hefur úrskurðað um mörg viðkvæm mál sem einstaklingar og hópar hafa átt í gegn stjórnvöldum. Og hingað til hefur embættið notið þess að allir hafa hafa borið virðingu fyrir því og talið að það hafi unnið af fullum heilindum. EN nú er búið að setja blett á embættið og það gert af ráðherra.

Og með þessari gjörð hefur Árni vegið svo illa að Umboðsmanni Alþingis að við það verður ekki unað. Þetta hefði í mörgum löndum orðið til þess að ráðherra hefði verið gert að víkja! 

Það er svo kafli út af fyrir sig að þegar að einhver vandamál koma upp hjá Árna þá bregst hann þannig við að mér er til efs að hann geri sér grein fyrir því að hans embætti er náttúrulega fyrst og fremst til að þjónusta okkur íslendinga. Þetta er ekki vettvangur fyrir menn til að deila og drottna eftir sínum duttlungum. 

Ráðherra efast um hlutleysi umboðsmanns

Athugasemdir

[Anna Benkovic Mikaelsdóttir, 27.3.2008 kl. 09:58]

Þetta eru undarleg viðbrögð af Ráðherra?