Var að kíkja á þessi gögn varðandi hleranir.

Af ruv.is  

Þjóðskjalasafn birtir öll gögn

Þjóðskjalasafnið hefur birt öll gögn sem þar eru um símhleranir stjórnvalda á heimasíðu sinni. Strikað hefur verið yfir nöfn og símanúmer þeirra sem voru hleraðir. Ragnar Aðalsteinsson hæstaréttarlögmaður segir engar lagaheimildir hafa verið fyrir því að meina borgurum landsins um aðgang að gögnunum. Hann sér heldur enga ástæðu til þess að strika yfir nöfn og númer.

Þjóðskjalasafnið birti nú síðdegis öll gögn sem eru í vörslu safnsins um símahleranir stjórnvalda á árum áður, á árunum frá 1949 til 1968. Þetta eru gögn frá dóms og kirkjumálaráðuneyti og Sakadómi Reykjavíkur. Birtar eru myndir af frumgögnunum á vef safnsins, í svonefndum pdf-skrám. Alls eru þetta 70 síður af gögnum, ýmist vélritaðar eða handskrifaðar. Safnið birtir gögnin með fyrirvara um að persónuupplýsingar hafi verið þurrkaðar út úr gögnunum, í samræmi við sjónarmið 71.greinar stjórnarskrárinnar, um friðhelgi einkalífsins.

Þetta er nú bara ómerkilegar endurtekningar mest af þessu. Nema hvað a.m.k. 1949 er talað um að lögreglan skrái niður samtölinn. Þau er samt ekki að finna þarna. Hefur kannski verið eitt.

En í ljósi þess að milli 1950 til 1975 þá voru margir Íslendingar sem fengu ekki áritun til að komast til USA þá bendir það til að einhverstaðar var safnað gögnum og væntanlega hleranir.um fólk sem Bandaríska sendiráðið hafði aðgang að  Kannski búið að brenna það núna en hver veit. Kannski einhverstaðar í góðri geymslu tilbúið til notkunar fyrir væntanlega leyniþjónustu.