Bandaríkjastjórn segir dauðadóminn góð tíðindi fyrir írösku þjóðina

Alveg er þetta makalaust. Hvenær ætla menn að læra að það er alls engin skynsemi í að dæma menn til dauða. Þetta á sérstaklega við um menn sem eru staðnir að illverkum. Er ekki meira vit í að dæma menn til lífstíðar fangavistar. Þeir eru þó þá á meðan þeir lifa minnisvarði um afleiðingar glæpa sinna.

Ég er hræddur um að með því að lífláta Saddam þá verði hann að píslarvotti fyrir öfgahópa múslima.

 En náttúrulega fagna Bandaríkin þessu. Þau eru í hópi nokkurra ríkja sem stunda aftökur en. En ekki hefur maður séð að það virki fyrir þá. Ekki dregur úr glæpum og ofbeldi þar.

Af ruv.is

Bandaríkjastjórn segir dauðadóminn góð tíðindi fyrir írösku þjóðina og sýni sjálfstæði dómstóla í Írak. Undir það taka leiðtogar Íraks og stjórn Írans og Bretlands. Íranstjórn segir að Saddam fái makleg málagjöld fyrir grimmd og glæpi en sakar vestræn ríki um að hafa selt honum vopn sem notuð voru í Íran, Kúveit og gegn íröskum almenning. Spánverjar minna á að Evrópusambandið er andvígt dauðarefsingum og undir það taka fleiri Evrópusambandsríki. Frakkar láta í ljós von um að dómurinn valdi ekki nýrri spennu í Írak.

Athugasemdir

[Sveinn Arnarsson, 6.11.2006 kl. 11:57]

Finnst engum skrýtið að dómur sé kveðinn upp... tveim dögum fyrir þingkosningar í bandaríkjunum??

[Magnús Helgi Björgvinsson, 6.11.2006 kl. 12:06]

Hafði ekki hugsað út í þetta. En þetta er náttúrulega alveg rétt hjá þér. Það gat náttúrulega verið að þeir hefðu eitthvað með þetta að gera. Eins þá finnst mér það afleytt að alþóðleg samtök eins og Amnesty International skuli benda á að réttarhöldin hafi verið mein gölluð