Kannski að Magnús Þór læri nú að gæta orða sinna.

Magnús Þór hefur farið mikinn m.a.  á Útvarpi Sögu vegna þeirra flóttamanna sem til stendur að bjóða hér hæli.

Nú er svo komið að meira að segja Gísli krati bæjarstjóri Akranes gengur í Sjálfstæðisflokkinn til að stuðla að því að F listinn fari frá stjórn á Akranesi.

Á einum degi hefur Magnús Þór klúðrað öllum árangri síns og F listans á Akranesi. Hann dettur út úr öllum nefndum og eina sem hann heldur er að hann verður varabæjarfulltrúi.

Þessi sífeldi hræðsluáróður gagnvart útlendingum þar sem illa er gerður greinarmunur nokkrum glæpamönnum og heilli þjóð, er bara eitthvað sem við viljum ekki hér.

Skil heldur ekki hættuna sem fylgir 10 einstæðum mæðrum og börnum þeirra!

Góð frétt um þetta á Skessuhorni

Sjálfstæðismenn með hreinan meirihluta á Akranesi

Athugasemdir

[Johnny Rebel (IP-tala skráð) 14.5.2008 kl. 20:01]

Hvað svo sem mönnum finnst um Magnús þá er augljóst að hann hefur verið stunginn í bakið og það illa. Það má kannski færa rök fyrir að eðlilegt sé að manneskja segi sig úr flokki á miðju kjörtímabili en að ganga þá til liðs við annan flokk ber merki um svik og tækifærishyggju. Hér hefur því Sjálfstæðisflokkurinn fengið ótryggan meðlim inn sem ekki er hægt að treysta á.

[Magnús Helgi Björgvinsson, 14.5.2008 kl. 21:12]

Ég læt það allt vera. Ef að þessari manneskju fannst að Magnús sem er varaformaður Frjálslyndra og hlýtur því að tala í umboði flokksins þá var eðlilegt að hún gengi úr flokknum. En síðan er spurning hvort hún þurfti að ganga í sjálfstæðisflokkinn. Hún vildi kannski halda þessu samstarfi óbreyttu og taldi þetta bestu lausnina.

[Johnny Rebel (IP-tala skráð) 14.5.2008 kl. 21:16]

Það má vera en líklegast tel ég að hún hafi tekið eiginhagsmuna ákvörðun og hafi ekkert verið að spá í hag neinna flokka.

[Magnús Helgi Björgvinsson, 14.5.2008 kl. 22:28]

Hvaða einkahagsmuni hefur hún af því að hætta að vera oddviti og eini bæjarfulltrúi F listans og ganga í annan flokk með 4 bæjarfulltrúum?. Sé það ekki alveg!

[Johnny Rebel (IP-tala skráð) 15.5.2008 kl. 00:18]

Mig grunar að málið sé ekki svo einfalt að hún hafi skipt um flokk upp úr þurru heldur verið beitt kúgunum eða jafnvel mútum. Ríkið hafði ákveðið að taka við flóttamönnunum og voru því skiljanlega ekki sáttir við ákvörðun Magnúsar um að standa gegn því. Hér voru því miklir hagsmunir í húfi fyrir ríkisstjórnina. En á meðan ég veit ekkert meira um þetta þá er þetta bara pæling.