Þessir menn í stjórnarandstöðunni!

Nú þegar að Geir ræður til starfa sérfræðing sér til aðstoðar við að ná tökum á efnahagsmálum, þá kvarta þeir yfir því. Menn sem í gær voru að kvarta yfir því að ekkert væri gert. Hver á svo að trúa nokkru sem þessir menn segja eftir þetta?

Hvaða lausnir haf þeir bent á? Jú Guðni vill taka stórt lán strax án þess að hugsa út í það að við yrðum þá að greiða mun hærri vexti en ella af því láni. Og auk þess er ekkert talað um hvað á að gera við lánið. Kannski að færa þau bönkunum? Til að bjarga þeim frá óráðsíunni sem þeir hafa komið sér í.

Jú Guðni vill að veiði verði aukin í þorski og fleiri tegunum. Þetta er nú dæmi um mann sem hugsar ekkert til framtíðar. Bara að redda sér núna og vona að við útrýmum ekki fiskinum í sjónum.

Og svo vill Guðni stóriðju. Hann er kannski búinn að gleyma því en stórhluti þennslunar í dag er komin til vegna stærst kosningaloforðs og framkvæmda Íslandssögunar. Það var þegar framsókn stóð fyrir Kárahnjúkum og Álveri í Reyðarfyrði. Þar sem sköpuð voru 400 til 500 störf sem kostuðu um 300 milljónir hvert og skila okkur í raun engu fyrir en eftir 20 til 30 ár þegar við erum búin að borga stofnkostnaðinn.

 

Segir ráðningu efnahagsráðgjafa sýna vandræðagang

Athugasemdir

[Jón Steinar Ragnarsson, 19.7.2008 kl. 19:00]

Steingrímur J. er ansi opinskár þarna , ef nokkuð er að marka fréttina eða ritfærni  moggafréttamanna. .

" Steingrímur sagðist ekki hafa neitt gott um Tryggva að segja, það litla sem hann þekkti hann."

[Valsól (IP-tala skráð) 19.7.2008 kl. 21:29]

Mér finnst að Geir hefði átt að ráða Þorvald Gylfason sem varaði við hvert stefndi og hvatti ríkistjórnina til að nota góðærið til að styrkja gjaldeyrisvarasjóð landsmanna, en það var ekki hlustað á hann. Geir hefði einnig getað ráðið Guðmund Ólafsson hagfræðiprófessor sem hefur greint frá því hvernig sala bankanna og það söluferli allt saman á þátt í hvernig komið er og svo hvernig almenningi verður sendur reikningurinn fyrir græðgisvæðingu Sjálfstæðisflokksins. Það furðulega í þessu er að helmingurinn sem kýs Sjálfstæðisflokkinn eru verkafólk og sjómenn, já talandi um að skjóta sig í báðar lappir.  Þetta er fólkið sem fær reikninginn fyrir afglöpum Sjálfstæðisflokksins í fjármálum ríkisins. Svo ræður Geir til sín Tryggva Þór Herbertsson, það skal ráða frjálshyggjuna þó svo að frjálshyggjan hafi tekið kollsteypu í alþjóðlegu tilliti. Er ekki að ganga upp. Hér skal haldið áfram á sömu braut, fresta málunum þangað til seinna. Byggja álver hingað og þangað svo við getum spennt bogann öðru sinni. Látum svo bara börnin okkar hafa reikninginn.