Hvernig vissu þá allir í gær að sjálfstæðismenn væru að mynda meirihluta með framsókn

Fyrirgefið ég er bara ekki að kaupa það að þau hafi ekki verið búin að ræða saman áður! Það er skrýtið ef að maður heyrir fréttir í gær um þetta mál eins og það sé frágengið, en nú allt í einu eru þau bara að tala saman. Ætla menn að segja mér að Sjálfstæðisflokkurinn slíti samstarfinu við Ólaf láti borgina vera í limbói í dag bara svona upp á von og óvon. t.d. ef að þetta hefði nú verið rétt um Tjarnakvartettinn þá væru þau á leið í minnihluta.

Nei ég er ekki að kaupa þetta.

Hanna Birna og Óskar á fundi

Athugasemdir

[Smyrill (IP-tala skráð) 14.8.2008 kl. 21:13]

Það er nú þannig að ýmsir flokksmenn ræða saman á göngunum, er þá iðulega um óformlegar þreifingar að ræða.  Lokastundin er þá fyrst uypprunnin þegar endanlegt  samkomulag hefur orðið um myndun meirihluta stjórnar og gengið er til  viðræðna beggja aðila um samstarfs samning.

[Liggaliggalá (IP-tala skráð) 14.8.2008 kl. 21:26]

Það segir sig auðvitað sjálft að búið var að ganga frá þessu áður. Hanna Birna var farin að tala á mjög neikvæðan hátt um Ólaf fyrir löngu. Í kjölfarið koma Staksteinar og leiðarar í Mogga og Fréttablaði þar sem hvatt er til samstarfs við Framsókn. Svo er samstarfi slitið án þess að neitt liggi opinberlega fyrir um nýtt samstarf, en samt vita allir að búið er að mynda meirihluta með Framsókn. Þarna er augljóslega meira að baki en spjall á göngum ráðhússins. Annars hefði flokkurinn ekki tekið þá áhættu að slíta fyrra samstarfi.

[Magnús Helgi Björgvinsson, 14.8.2008 kl. 21:41]

Jam ég veit að það er náttúrulega rætt saman. En menn segja ekki í sjónvarp að þeir hafi ekkert rætt við Sjálfstæðisflokkinn og engin hafi talað við hann. Það eru beinar lygar.