Já var það ekki! Fórnarkostnaður við krónuna um 15 milljarðar vegna gjaldeyrissjóða

Já var það ekki! Með því að halda úti eigin smá mynnt þá verðum við eiga gjaldeyrisvarasjóð sem gæti kostað okkur almenna skattgreiðendur  um 15 milljarða á ári og væri bara til þess að bankar gætu fengið hagstæð lán erlendis.

Hvenær ætla menn að vakna hefja upptöku  EVRU [Og vinna að inngöngu í ESB]

Evran ákjósanleg

Athugasemdir

[Uni Gislason (IP-tala skráð) 18.8.2008 kl. 23:36]

Vonandi sem allra, allra fyrst. Menn finna alltaf afsakanir fyrir því að tefja fyrir EU aðild, ef efnahagurinn er slæmur þá erum við að flýja inn í EU vegna þess að okkur er 'talið í trú um' að ástandið muni batna en ef ríkir góðæri þá er það greinilega sönnun þess að við erum betur sett utan sambandsins.

Þá er algerlega horft framhjá því að efnahags-sveiflur okkar fylgja EU í alla staði og það að halda úti þessum drasl gjaldmiðli sem enginn vill snerta án 110% ríkistryggingar (og þá samt varla) er alltaf aukakostnaður. Sama hvernig viðrar í efnahagsmálum allmennt.

Við erum í EES, Schengen og EFTA sem þýðir einfaldlega að við erum fyrir löngu búin að tengjast EU órjúfanlegum böndum. Við erum í EU, en samt ekki. Án fullrar aðildar getum við ekki á nokkurn hátt komið okkar sjónarmiðum í ein einustu lög sem samþykkt eru, heldur verðum að vera litli bróðir og treysta á Guð og gæfuna.

Mikið væla anti-EU sinnar yfir því að jafnvel þó við værum meðlimir fengjum við lítið að segja - en lítið er sannarlega betra en ekki neitt!

Þann dag sem Evrópufáninn blaktir við hlið okkar íslenska verður sá dagur sem þessi þjóð okkar er orðin fullorðin, sjálfráða og tilbúin til bera ábyrgð á sjálfri sér. Ó hvað ég vona ég sjái þann dag.

Þessi bananalýðveldis-stefna hefur runnið sinn veg til enda.