Gunnar búinn að fara yfir strikið einu sinni enn!

Gunnar Birgisson lætur alltaf eins og að hann sé að reka Kópavog sem verktakafyrirtæki. Og að bæjarbúar séu eitthvað sem er að flækjast fyrir honum. Það er eins og honum finnist að bæjarbúar hafi það sem hæsta markmið að fjölga í bænum og að byggja sem stærstu turna. Get ekki séð hvernig mér sem Kópavogsbúa gagnast að næstu árin verið ég fyrir sífeldum umferðartöfum vegna framkvæmda. Og það framkvæmda í hverfum sem eiga að vera nær full byggð.

Síðan ef einhver vogar sér að mótmæla nokkru þá eru það einhverjir skíthælar að hans mati og hann eys yfir þá fúkyrðum. Er ekki viss um að neinn annar bæjarstjóri mundi láta hafa eftirfarandi eftir sér:

Gunnar veltir því fyrir sér hvort stofnun íbúasamtakanna í Lindahverfi eigi sér pólitískar rætur. „Guðríður Arnardóttir [Samfylkingu] stóð alltaf þarna fyrir utan dyrnar og Sigurður Þór [formælandi samtakanna] fór alltaf út og leitaði ráða hjá
henni,“ segir Gunnar. „Málið er þá allt í einu orðið pólitískt og verið að toga íbúana inn í pólitískar erjur,“ segir Gunnar og klykkir út með því að Samfylkingin hafi alltaf verið „á móti öllum góðum skipulagsmálum í Kópavogi“.

Vísar ásökunum bæjarstjóra á bug

Athugasemdir

[Gunnar Gunnarsson, 6.9.2008 kl. 16:52]

Ef ekki væri fyrir Gunnar Birgisson væri kópavogur pínulítið þorp með malarstígum

[Magnús Helgi Björgvinsson, 6.9.2008 kl. 16:57]

Það bjuggu hér um 20 þúsund þegar að hann komst til valda. Kópavogur hefur jú verið næst stærsta sveitarfélag landsins síðan 1970 löngu fyrir Gunnar. Og það munar ekki miklu á okkur og Hafnarfirði 2 til 3 þúsundum.

[Adda bloggar, 6.9.2008 kl. 16:59]

[Helena Sigurbergsdóttir, 8.9.2008 kl. 00:28]

Verð að vera alveg ósammála þér Maggi. Það er gott að búa í Kópavogi og Gunnar er búin að vera við völd síðan 1990, reyndar væri ég alveg til í að Kópavogur væri eins og hann var þá.....ég hef verið ósammála Gunnari og jú hann hefur kvæst á mig en líka alveg hlustað á mín rök, þegar hann er búin að blása.......

Kveðja Lella 

[Magnús Helgi Björgvinsson, 8.9.2008 kl. 21:22]

Ég bý nú í Kópavogi og vill búa þar. En mér líkar ekki hvernig stefnir með skipulagsmálin. Helena þú gerir þér grein fyrir að þú gætir þurft að láta fjölga hraðahindrunum ef að umferð um austurbæinn á eftir að aukast sem hún gerir ef að reiknað er með 41 þúsund bílum í Lindarhverfi því margir eiga eftir að keyra fram hjá þér af þeim.

Gunnar hlustar kannski þegar fólk rís upp og mótmælir. Það hefur t.d. ekkert gerst í turnunum sem átti á byggja á Nónhæð í götunni hjá mér. 

[Katrín, 9.9.2008 kl. 21:38]

Ég sé það að íbúar Bolungavíkur geta leitað til þín eftir ráðum hvernig mótmæla eigi skipulagi

[Magnús Helgi Björgvinsson, 9.9.2008 kl. 22:08]

Því miður er ég nú ekki nógu virkur að mótmæla nema hér á blogginu. En alltaf gaman að rífa kjaft.

Varð bara að koma með athugasemd hjá þér því fólk var að kvarta yfir að það væru ekki komnar neinar skýringar á stöðunni. Held náttúrulega með Grími þar sem við erum með sömu menntun og fannst hann standa sig vel sem bæjarstjórin hjá ykkur. Hann fór mikinn í að vekja athygli á stöðu ykkar og því sem honum fannst óréttlátt. M.a. úthlutanir úr Jöfnunarsjóð.

Hér í Kópavogi erum við hinsvega að fást við Bæjarstjóra með vertaka hjarta sem fattar ekki að bæjarstjórar eru í eðli sínu starfsmenn bæjarbúa og eiga ekki að fara gegn vilja þeirra.  Bæjarstjórnir eru í raun fulltrúar sem fólkið velur til að halda utan um þann hóp sem kaus að búa á sama stað. Bæjarstjórnum ber fyrst og fremst að hugsa um þá sem búa í bæjarfélaginu ekki hvort hægt sé að fjölga gríðarlega þeim sem þar búa, eða leyfa vinum sínum í BYKO að byggja 7 hæðir ofan á 3 hæða hús sem þeir ætluðu að byggja, eða einhverjum að byggja 40 hæða turna við hliðina á íbúðarhverfi bara af því að það verða stærri hús en turninn í Smáranum sem nú er stærri en Hallgrímskirkja. Það er þetta sem ég er ósáttur við. 

En ég skil ekki afhverju þið viljið ekki nýja atvinnustarfssemi í bæinn ykkar?

[Katrín, 10.9.2008 kl. 00:08]

Hver segir að við viljum ekki nýja atvinnustarfsemi í bæinn??  Bara af því að fúll Þjóðverji fer í fjölmiðla og orgar yfir því að fá ekki það sem hann vill þegar hann vill þarf það að þýða að fólk vilji ekki nýja atvinnustarfsemi?  Og minni á að tvö önnur fyrirtæki hafa sótt um lóðir fyrir sömu atvinnustarfsemi og blessað fólkið sem grætur daglangt í fjölmiðlum yfir því að þurfa að hlíta lögum.

Ólíkt þér þá er ég afskaplega hrifinn af Gunnari 

Okkur veitti ekki af að fá kjarkmikinn framkvæmdarmann hingað á staðinn..það þarf nefnileg kjark til að taka ákvarðanir og það hafa t.d Samfylkingarmenn sýnt með rækilegum hætti að þann kjark eiga þeir ekki til.  Hefðu vinstri öfl haldið áfram stjórn Kópavogs væru menn enn að tala en ekkert að gera.

[Magnús Helgi Björgvinsson, 10.9.2008 kl. 00:34]

Maður er a.m.k. oft að lesa svona fréttir:

mánudagur, 1. september, 2008 - 16:39

Uppbygging í Bolungarvík strandar á lóðaleyfum

Aðstandendur Kjarnabúðar ehf í Bolungarvík hafa sótt um leyfi bæjaryfirvalda til að byggja 25 hús í burstabæjarstíl en fimm mánuðum síðar hafa engin jákvæð svör borist. Húsin vilja Kjarnabúðarmenn byggja til að auka á ferðamannaþjónustu við m.a. sjóstangveiðimenn en snemma á árinu var undirritaður samningur milli Kingfisher reisen og Kjarnabúðar ehf. Kingfisher reisen er einn af stærstu ferðaþjónustuaðilum í Evrópu í sölu stangveiðiferða.

Kjarnabúð sendi frá sér yfirlýsingu í dag þar sem þeir telja rétt að rifja upp þá staðreynd að samningurinn gæti skapað tekjur inn í bæjarfélagið fyrir um hálfan milljarð króna á næstu fimm árum en ástæðu seinagangs bæjaryfirvalda telja þeir fullkomið áhugaleysi.