Nei takk!!! Látið lífeyrissjóðina vera!

Þetta kemur bara ekki til greina! Maður hlustar nú ekki á menn sem standa fyrir kauphöll sem að hruni komin. Menn hafa nú síðustu ár talað um að þetta og hitt sé öruggt. Það er bara komið í ljós að þessir menn vita bara ekkert um það.

Ég neita því að það verði farið að braska með lífeyrissjóði okkar!

Vill liðka fyrir skortsölu hér

Athugasemdir

[Þrándur (IP-tala skráð) 21.9.2008 kl. 11:52]

Rétt Náðargjöf, ef umgjörðin er eðlileg þá er skortsala hið besta mál. Er 10% of hátt? eða ætti að fara í kannski 25%? Nú eða tengja þetta við veltu á félagi síðustu 20 vikna, kannski sem nokkurra daga meðalviðskipti? Er vaxtastig síðan tengt stýrivöxtum viðkomandi lands, eða öðrum skammtímavöxtum?

Eflaust eru til margskonar umgjarðir sem leyfa langtímaeigendum (þám stofnfjáreigendum) bréfa að lána öðrum þau og ávaxta þannig aukalega vegna þess.

Sé þetta gert rétt, þá er þetta hið besta mál.

[Vilhjálmur Þorsteinsson, 21.9.2008 kl. 13:34]

Lífeyrissjóðir eru einmitt langtímafjárfestar og hafa ekki hag af því að hlutabréfaverð fari upp í tóma vitleysu (sbr. FL Group) en hrynji svo óhjákvæmilega aftur með látum (sbr. núna).  Þá er betra að gengi bréfa ráðist af undirliggjandi rekstri, í öflugum skoðanaskiptum bola og bjarna (bulls & bears, bjartsýnna og svartsýnna).  Eða vilja menn bara láta þá bjartsýnu ráða og kaupa sér sólgleraugu?  Þá er ég með eilífðarvél ofan í skúffu sem fæst á hagstæðu verði, og svo slatta af norðurljósum líka.

[Magnús Helgi Björgvinsson, 21.9.2008 kl. 13:42]

Já já og ástandið varðandi húsnæðiskuldabréf í USA átti aldrei að geta orðið. Ég ansa þessu ekki. Það er verið tímabundið að banna þetta í Bretlandi og í USA jafnvel. Og þeir sem kvarta eru vogunarsjóðir! Það eru sömu sjóðirnir og hafa verð að leika sér að krónunni!