Nú verður Evrópunefndin að fara að vinna hraðar.

Við verðum að fara að komast út úr þessu víti sem krónan er að koma okkur sem og hávextir. Var að lesa þetta á www.ruv.is

Jón Bjarki Bendtsson telur að yfirvofandi gjalddagar krónubréfa hafi grafið undan gengi krónunnar undanfarnar vikur og mánuði. Hann segir að þeir sem stundi viðskipti á gjaldeyrismarkaði horfi fram í tímann. Menn hafi búist við því að þessi gjalddagar yrðu til að veikja krónuna og það hafi þegar komið fram að töluverðu leyti. Þó vonist menn enn til þess að eitthvað verði gefið út af krónubréfum á móti. Þó sé mjög hæpið að jafnmikið verði gefið út af krónubréfum og þeim sem falla á gjalddaga. Jón Bjarki bendir á að álíka mikið af krónubréfum falli á gjalddaga mánaðarlega fyrstu þrjá mánuði næsta árs. Hann segir að ástandið á alþjóðamörkuðum skipti miklu um áhrif gjalddaganna á gengisþróun krónunnar.

Síðan þetta líka á www.ruv.is

Þá fullyrti Rehn að aðildarviðræður Íslands gætu tekið innan við ár í ljósi þess að Ísland er nú þegar búið að staðfesta yfir 75% af regluverki ESB vegna samningsins um ESS.

Ágúst Ólafur segir að fundurinn hafi verið opinn og afar gagnlegur í ljósi verkefnis nefndarinnar varðandi hugmyndina um tvíhliða upptöku evru. ,,Það skiptir máli að við höfum fengið mjög skýra afstöðu til hugmyndarinnar svo við séum ekki að eyða tíma í að vinna að nálgun sem hugsanlega er óraunhæf."

 

Tvíhliða upptaka evru óraunhæf

Athugasemdir

[ESB, 22.9.2008 kl. 21:56]

Innganga Íslands í ESB er algjör forsenda fyrir öllu blómlegu lífi hér á þessu kalda skeri.  Með inngöngu fáum við grænna gras, bragðbetra lambakjöt, léttklæddari stelpur, meiri sól og skemmtilegri tengdamæður.  Íslenskt efnahagslíf mun einnig njóta góðs af í formi evrunnar og styrkja handa námsmönnum.

Þá munu gamlir stjórnmálamenn t.d. Finnur Ingólfsson fá endurnýjuð tækifæri til að gera land og þjóð gagn á Evrópuþinginu.  Þar verða öll lög rædd fram og til baka áður en þau verða send í nefndir sem munu í framhaldinu beina fyrirspurnum til framkvæmdastjórnarinnar.

Í ljósi þess hvað Davíð Oddsson er vondur seðlabankastjóri og Ingibjörg Sólrún lítið heima getum við alveg losað okkur við þau, lagt þing og þjóð niður og gengist ESB á hönd.  Er ekki betra að láta útlendinga níðast á okkur en nágranna og vini?

[Magnús Helgi Björgvinsson, 22.9.2008 kl. 22:05]

Leiðindar útúrsnúninga bull.

[Gunnar Rögnvaldsson, 22.9.2008 kl. 23:34]

Það þarf að stofna nýjan vikulegan útvarps- og sjónvarpsþátt: Óskamyntbandalögin leikin af plötum Samfóníuhljómsveitarinnar.

Þar ættu hlustendur og áhorfendur að geta kosið sér mynt vikunnar. Bannaðar yrðu allar þær myntir sem falla í meira en tvo daga í röð, þær kæmust ALDREI aftur inná top 10 listann fyrr en þær hefðu náð að hækka aftur í að minnsta kosti 64 ár í röð. Þá hefði evran ekki átt séns þegar ósklög hennar hefðu verið spiluð í þættinum árið 1999-2001 því hún féll samfleytt í 22 - í röð. Hvar endar þetta?

Súpermynt vikunnar er . . . EVA!!! . . . (klapp klapp) . . . og henni fylgir ókeypis ferð fyrir tvo í seðlabankann. Munið af horfa aftur í næstu viku . . (tónlist)

Kveðjur

[Þorsteinn Sch Thorsteinsson (IP-tala skráð) 22.9.2008 kl. 23:36]

ESB Hvað næst áróður út um allt um NEW WORLD ORDER???

Hvað skoðun hefur þú á þessu Nýja Heisskipulagi eða þessari hnattvæðingu Nýja Heimsskipulagsins þegar svo : Evrópusambandið(ESB / EU) , Afríkusambandið (AU), Asíusambandið ( Asian Union), Suður-Ameríkusambandið (SAU), Mið-Ameríkusambandið (CAU) og Norður-Ameríku/Community SPP/NAFTA verður sem sagt sameinað undir eina alheimsstjórn "One World Governmet" eða New World Order (NWO)? 

The Real New World Order

The New World Order is Here!

Því ég er á því að menn verði að skoða Nýja Heimsskipulagið NWO. einnig í þessu sambandi svo og öll lög ESB/stjórnaskrá ESB.

[Magnús Helgi Björgvinsson, 22.9.2008 kl. 23:48]

Gunnar þú þyrfti náttúrulega að skoða hvað er að gerast hér á Íslandi. Vegna falls krónunar hafa íbúðarkaupendur lent í því að erlend lan sem þeir voru hvattir til að kaupa hafa hækkað um 40%. Verðtryggð lán hækka nú varanlega um um 15% mánuði. En eins og þú veist þá leggst verðbólgan við höfuðstólinn og hækkar þar með afborganir varanlega.

Hér er reiknað með gríðarlegum hækkunum á vöruverði fljótlega. Og þar með hækkar verðbólgan.

Seðlabankinn er kominn í þá stöðu að hann getur varla lækkað vexti því að Krónu og Jöklabréf yrðu þá ekki endurnýjuð og þá mundu þau falla á gjaldaga og erlendir aðilar mundu þá innleysa um 400 milljarða sem eru nú bundnir í þeim. Sem leiðir til frekara falls krónunar.

[Gunnar Rögnvaldsson, 23.9.2008 kl. 00:14]

Sæll Magnús. Ég skil vel þá umræðu sem er í gangi. Hún er nákvæmlega sú sama og fór fram hérna í Evrópu þegar evran fell 31% í 22 mánuði í röð. Núna er íslenska krónan búin að ná þessu falli hennar evru, en þó á styttri tíma. Þetta mun réttast við, sannaður til. Japönsk YEN-lán urðu þá dýr fyrir marga hér.

Þetta er svona allsstaðar í heiminum annað slagið. Það er engin patent lausn til á þessu Magnús, enda ætti hún alls ekki að vera til því þá mun samkeppni hagkerfa á milli hverfa og flatneskja og lítill sem enginn hagvöxtur myndu ná yfirhöndinni.

Verðtryggingin er mál sem þjóðin þarf að taka á í framtíðinni því hún er í raun ekki alveg réttlát. Það verða báðir aðilar að taka vissa áhættu og deila henni á milli sín. En líkurnar á að hún hverfi myndu einungis minnka við að Ísland tæki upp evru. Því þá myndu fjármagnseigendur treysta ennþá minna á að vaxtastig evru gæti varið fjármuni þeirra fyrir verðbólgu því þeir myndu svo ofurvel skila að þegar stýrivaxtavopnið væri farið að þá væri búið að gera verðbólgubremsur þjóðfélagsins óvirkar að mestu. Þú munt ekki gera sótt þér fjármagn til annarra evrulanda án þess að búa þar og greiða skatta þar. Það veður ekki hægt fyrr en ESB er orðið að einu ríki með einni sameiginlegri skattalöggjöf (háskattar). Eitt land eitt fólk.

Athugaðu að hæsta verðbólga í EES er núna í Lettlandi 15,6% - og eru þeir þó beintengdir við evru.

Kveðjur