Þarna fara vinir í raun!

Glæsilegt hjá vinaþjóð okkar. Þetta ætti að ýta við þjóðum sem hafa ekki viljað af okkur vita. Næst ættum við kannski að semja við þá um varnir Íslands. Svona bara til að hýða Bandaríkjamenn fyrir framkomu þeirra gagnvart okkur síðustu ár, sem og þessi efnahagslegu  hryðjuverk sem þeir hafa staðið fyrir í heiminum síðustu misseri. Þessi kreppa er jú komin þaðan. Og þessi hryðjuverk eiga sér víst upphaf hjá Bush eldri. Þá byrjuðu einhver viðskipti milli banka í USA sem nú eru kölluð eiturbréf. Og þau eru meðal annars góðgætis í þessum vöndlum sem innhéldu undirmálslánin.

Og í alvöru held ég að heimurinn ætti alvarlega að skoða hvort að hann getur í framtíðinni dregið úr vægi Bandaríkjana í heimsviðskiptum. Sýnist  í fljótu bragði að í kjölfarið á þessari kreppu ætti það að vera raunhæfur möguleiki. Það er bara ekki hægt að treysta á þá.

Seðlabankinn fær lán frá Rússlandi

Athugasemdir

[Skúli (IP-tala skráð) 7.10.2008 kl. 08:50]

Ef Davíð væri dauður, myndi hann snúa sér við í gröfinni!

[Magnús Helgi Björgvinsson, 7.10.2008 kl. 08:51]

Góður

[Marinó G. Njálsson, 7.10.2008 kl. 09:00]

Þetta er rausnarlegt af Rússum.  Spurning hvort þessu verður breytt í þróunaraðstoð með tímanum.

[Gudik (IP-tala skráð) 7.10.2008 kl. 09:58]

Það var Clinton sem bjó til undirmálslánavandann - stefna um húsnæði handa öllum.

[Magnús Helgi Björgvinsson, 7.10.2008 kl. 10:16]

Var að lesa nú um helgina að upphafið megi rekja aftur til stjórnatíðar Bush eldri. þá var opnað á viðskipti með varasöm bréf milli sparisjóða þarna í USA og þessi bréf eru kölluð" Eiturbréf" og þau eru líka í þessum pökkum. Undirmálsbréfn voru samt bönkunum að kenna ekki Clinton. Það voru bankarnir sem kusu að hafa greiðslusögu og greiðslugetu fólks að engu. Og vitandi að vegna ákvæða um að greiðslur og vextir hækkuðu að nokkrum árum liðnum þá áttu menn að vita að stór hópur fólk réði ekki við þau. En þeir treystu á að gróði af hinum mundu bæta það upp. Þetta er náttúrulega fáránlegt.

[Marinó G. Njálsson, 7.10.2008 kl. 10:40]

Undirmálslánin má rekja til lána sem veitt voru í Cleveland á fyrri hluta síðasta áratugs.  Nánar má lesa um þetta í færslu minni frá því 3. apríl sl. Eru matsfyrirtækin traustsins verð? Eins og ég bendi á það hafa þessi lán alltaf verið hættuleg, en þar sem umfang þeirra var mjög lítið alveg þar til 2003, þá dreifðist áhættan af þeim á frekar fáa aðila og töp voru lítil í samanburði við stærð fjármálakerfisins.