Vinslit???!!!

Var að lesa á www.dv.is  að Kjartan Gunnarsson teldi sig ekki "Óreiðumann" en hann sat einmitt í bankastjórn Landsbankans. Hann tapaði víst miklum fjármunum við ríksvæðingu bankans.

Vinslit Davíðs og Kjartans Gunnarssonar

Kjartan Gunnarsson tapaði gríðarlega miklu við fall Landsbankans.

Laugardagur 11. október 2008 kl 17:51

Höfundur: Ritstjórn DV ([e-mail])

Kjartan Gunnarsson, fyrrverandi framkvæmdastjóri Sjálfstæðisflokksins og bankaráðsmaður í Landsbankanum, hélt tilfinningaþrungna ræðu á flokksráðsfundi í Valhöll í morgun. Þar sagðist hann ekki vera ,,óreiðumaður" sem skilst sem svo að hann sé að höggva til vinars síns, Davíðs Oddssonar seðlabankastjóra. Kjartan sagði frá því að hann hefði við fall Landsbankans tapað miklum fjármunum. Heimildir DV herma að Kjartan hafi misst tæpa milljarða í eign í hlutabréfum. Lýsti Kjartan miklum sárindum sínum vegna þess hvernig fór og að Seðlabankinn skyldi ekki koma til hjálpar en taldi að nú væri ekki tími til að vera með stórar yfirlýsingar og ásakanir
Líklegt er að ræða Kjartans marki slit á áratugavináttu milli Davíðs og hans. Lýsti Kjartan yfir stuðningi við Geir H. Haarde í því erfiða verkefni sem framundan væri. Fundarmenn risu úr sætum sínum og klöppuðu fyrir Kjartani. Hermt er að Hannes Hólmsteinn Gissurarson hafi yfirgefið fundinn undir ræðu Kjartans með hurðarskelli en Hannes er einnig í þeim vinahópi sem tengdur er Davíð Oddssyni.Sá

Mikilvægt að skilyrði skapist fyrir vaxtalækkun

Athugasemdir

[Predikarinn - Cacoethes scribendi , 11.10.2008 kl. 18:50]

Sæll. Ég hlustaði á viðtalið fræga við seðlabankastjórann en gat ekki skilið hann sem svo að þegar hann talaði um óreiðumenn þá gat ég ekki tengt menn eins og Kjartan Gunnarsson við þá skilgreiningu. Ég skildi hann sem svo að hér væri mestmegnis rætt um útrásaraðalinn og meðreiðarsveina þeirra. Kjartan Gunnarsson verður víst ekki spyrtur við þá með nokkurri sanngirni.

[Jónína (IP-tala skráð) 11.10.2008 kl. 20:19]

Ég hlustaði líka á þetta drottningarviðtal við Davíð og þar undanskyldi hann engan þegar hann talaði um óreiðumenn, sem hann hefði betur átt að gera í stað þess að gera ráð fyriri að allir vissu um hverja hann var að tala.  Kjartan hefur fullt leyfi til að túlka orð hans eins og hann gerir