Látum þá bara lögsækja okkur!

Það getur bara ekki verið að íslenska ríkið sé í ábyrgðum fyrir öllum gerðum íslenskra brjálæðinga sem höfðu yfir bönkum að ráða. Þetta var einkafyrirtæki og við neitum að bera meiri ábyrgð á því en Hollendingar bera á sínum fyrirtækjum.

Svo leyfum þeim bara að lögsækja okkur. Við höfum engu að tapa lengur. Álit á okkur er hvort eð er komið í skítinn. Það er óþarfi að við gerum þjóðina gjaldþrota líka.

Hollendingar hóta málsókn

Athugasemdir

[Árni Viðar Björgvinsson, 16.10.2008 kl. 13:28]

Hvernig var orðatiltækið.. ekki skal hengja hest fyrir svín, eða eitthvað álíka (ó)gáfulegt.

Þetta voru ekki ríkisbankar.. hvern fjandann á að kæra ríkið fyrir klúður stjórnenda bankanna? Auðvitað má vel til sanns vegar færa að þetta sé ríkinu að kenna að einhverju leiti, en ef einhver bjáni keyrir á mig á Mustang, þá kæri ég ekki Ford heldur ökumanninn!

[Páll Jónsson, 16.10.2008 kl. 13:28]

Það er alveg rétt að ríkinu ber ekki að ábyrgjast öll þessi innlán heldur aðeins rúmar 20.000 evrum á hverjum reikning.

Málið er hins vegar að Hollendingar virðast alls ekki vera að halda því fram. Þeir ætla einfaldlega í skaðabótamál, þ.e. þeir töpuðu svo og svo miklum pening vegna (meintra) blekkinga íslenska ríkisins og vilja fá það bætt.

Hvort það er svo einhver grundvöllur fyrir þessu hef ég ekki hugmynd um.

[Magnús Helgi Björgvinsson, 16.10.2008 kl. 13:35]

Já en þeir tala um skaðabótamál við íslenska ríkið sem á ekki þessa banka. Síðan er íslenska ríkð aðeins í ábyrgðum fyrir innlán einstaklinga ekki sveitarfélögu, fyrirtækjum eða öðrum lögaðilum skv. EES.

[Ómar (IP-tala skráð) 16.10.2008 kl. 13:39]

Ef ég skil þetta rétt ætla þeir í mál við ríkið útaf því sem FME sagði [ekki].

[Fannar frá Rifi, 16.10.2008 kl. 13:46]

Verða þeir þá ekki að fara í raun mál í Bandaríkinn útaf því að Lehman brothers fóru í þrot?

[Magnús Helgi Björgvinsson, 16.10.2008 kl. 14:02]

Bíddu eiga þeir ekki byrja á fjármálaeftirlitinu hjá sér?

[Bjorn Jónasson (IP-tala skráð) 16.10.2008 kl. 14:22]

Hollendingar, Bretar, Þjóðverjar, Rússar og allir aðrir, komið þið bara við og hirðið það sem þið viljið af þessu drasli sem við erum búin að kaupa. 

Hvenær hefur framrúðutryggingin dugað fyrir altjóni?  Hún virðist gera það þegar að vesalingar eins og við eigum tryggingafyrirtækið.  Nú er bara að vona að heimurinn í heild sinni fari á hausinn, og að það verði í framhaldi af því gerður einn heildar aflausnarpakki fyrir alla. 

[GS (IP-tala skráð) 16.10.2008 kl. 14:25]

Ríkinu ber ekki að ábyrgjast neitt af þessum innlánum í Hollandi og Bretlandi. Tryggingasjóður á að sjá um það en þar sem það eru aðeins 19 milljarðar í Tryggingasjóði hefur ríkisstjórnin ákveðið að ríkið muni greiða Hollendingum og Bretum. Mér finnst þetta fáránleg niðurstaða. Frekar vil ég fara í mál við Breta og Hollendinga heldur en að íslenska þjóðin fara á hausinn! Þetta er allt gert til að bjarga orðspori okkar sem er hvort sem er úti um þúfur. Sáuð þið ekki á blaðamannafundinn í gær?

[Ásgrímur Hartmannsson, 16.10.2008 kl. 14:58]

Ja, Íslenska ríkið kom þessum fyrirtækjum öllum á hausinn - sennilega er það málið?