Við viljum vita hvar við stöndum

Ég verð en og aftur að kvarta yfir því hversu litla áherslu stjórnvöld leggja í að upplýsa okkur! Við fáum þetta í örlitlum skömmtum og helst ekki neitt.

• Fólk vill fá að vita hversu háar skuldir við útlönd eru?
• Hversu háar skuldir eru á IceSave?
• Af hverju var ekki gengið harðar að Landsbanka að stofna dótturfélag um IceSave í útlöndum?
• Af hverju voru stjórnvöld svona eftirlátssöm við Landsbankann sem sannanlega var að nota innlán frá erlendum einstaklingum, fyrirtækjum og stofnunum til að lána í áhættu hér á landi eða íslenskum fyrirtækjum í vafasömum fjárfestingum erlendis?
• Af hverju er reiknað í dag með því að þessar lán til fjárfestinga erlendis innheimtist ekki?
• Hversu mikið er reiknað með að við sem þjóð þurfum að borga?
• Af hverju er ekki þegar búið að semja við alþjóðagjaldeyrissjóðin? Er það eins og kom fram í Silfrinu vegna þess að Davíð vill það ekki? Ef svo er af hverju er maðurinn ekki settur af? Hann er nú búinn að stjórna hér ásamt félögum í seðlabankanum í nokkur ár og hefur ekki tekist neitt af markmiðum hans. Hann/þeir afnámu bindiskyldu héldu vöxtum háum sem jók hér áhættufjárfestingar, stóðu sem stjórnmálamaður að þessari nýju peningastefnu og af nám hér nær öll höft á fjármálageirann.
• Af hverju er ekki nú þegar farið að vinna almennilega að því að skýra mál okkar fyrir almenningi erlendis?
• Af hverju er ekki þegar farið að vinna að því að kynna okkur nýja framtíðarsýn/áætlanir?
  • Hvað þarf að hækka skatta mikið? Kom reyndar í ljós að Ísland er með mjög hátt skatthlutfall sem hefur hækkað ógurlega síðustu 10 ár og nálgast nú með öllum sköttum sem við greiðum að vera um 50%
  • Hvað verður um krónuna? Er hægt að bjarga henni og hvernig?
  • Hvað um hugsanlega inngöngu í ESB? Er verið að stefna að því?
  • Af hverju er ekki búið að kalla til her erlendra sérfræðinga til að skýra ástandið og framtíðarhorfur með okkar sérfræðingum.
  • Af hverju er ekki Ríkissjónvarpið virkjað og með daglegum þáttum farið í saumana á þessu málum öllum þannig að við vitum hvar við stöndum?
  • Af hverju er gjaldeyrisþurrð hér þegar að Seðlabanki og fleiri sögðu að við hefðum gjaldeyrisforða í minnst 9 mánuði þó að engar erlendar tekjur eða lán kæmu hingað til lands?

 Ég tek undir þau orð Einars Márs í Silfrinu að það á ekki að tala niður til okkar núna. Ég held að stjórnmálamenn þó þeir þykist vita allt þá er nú kerfi sem þeir hafa unnið að hrynja í andlitið á þeim og þeir vita ekkert hvað á að gera!

Af hverju er viðbrögð við náttúruhamförum miklu skilvirkari en viðbrögð sem við fáum nú? Af hverju er þær viðbragaðsáætlanir ekki nýttar til að halda utan um almenning og halda honum upplýstum. Þetta eru jú hamfarir

Ekki hlutverk FME að selja Kaupþing

Athugasemdir

[Sigurður Þorsteinsson, 19.10.2008 kl. 14:57]

Magnús þú getur lagt þitt að mörkum. Þú hlýtur að hafa aðgang að þeim Brown og Darling, en þeir leiða jafnaðarmannaflokkinn í Englandi. Þú hefur lagt mikla áherslu á að við komumst undir þeirra verndarvæng í ESB. Þú upplýsir okkur þá um jafnaðarhusjónina sem að baki býr.

[Magnús Helgi Björgvinsson, 19.10.2008 kl. 15:42]

Sigurður þetta eru útúrsnúningar! En kannski ef við hefðum verið í ESB hefði þetta mál verið leyst þar án þess að þessi læti yrðu.

Vandamálin okkar eru ekki öll Bretum að kenna. Þetta eru jú afleiðingar þess að við getum ekki varið gjaldmiðil okkar og eins það að Sjálfstæðismenn með sýnu frelsi og draumum um að við yrðum fjármálaveldi hleyptu bröskurum af stað á fullu sem skuldsettu okkur þannig að þjóðarskuldir okkar eru þær hæstu í heimi.

Og ein birtingarmynd þess var og er hið takmarkalausa útþennsla Kópavogs sem var öll tekin að láni. Og Kópavogur er nú að súpa seiðið af.