Ég er bara að velta fyrir mér!

Nú var ég að hlusta á Geir sem segir að engar ákvarðanir hafi verið teknar enn varðandi IMF. Hann sagði að enn væri verið að skoða málið en ljóst væri að ekki yrði um neyðaraðstoð að ræða heldur samstarf og lán. En eins og venjulega er verið að skoða málið. Gerir Geir sér grein fyrir að menn segja að á meðan við erum að hugsamáli tapast á hverjum degi upphæðir sem svara til allra framlaga til Menntamála á ársgrundvelli. Auk þess sem að orðspor okkar hrapar áfram. Hversu lengi ætla menn að skoða þetta? Á þetta að vera eins og með ESB málið að þetta verður bara dregið og dregið.

Þetta segir manni að það er bullandi ágreiningur innan stjórnarinnar. Eins að sennilega eru sérfræðingar IMF að leggja áherslu á að við göngum í ESB

Geir undrast kjaftasögur sem eru komnar á kreik hér. Við hverju býst hann þegar að öll upplýsingagjöf er í rúst sem og að hann og aðrir virðast halda að þjóðinni komi þetta bara ekkert við. Það séu þeir sem leysi þetta og svo sættum við okkur bara við niðurstöðuna.

Engin niðurstaða enn

Athugasemdir

[Össur (IP-tala skráð) 19.10.2008 kl. 18:20]

Það á að reka Davíð Oddson úr Seðlabankanum og kjósa nýja ríkisstjórn STRAX! Geiri rekur ALDREI samflokks mann sinn úr Seðlabankanum.

[The outlaw (IP-tala skráð) 19.10.2008 kl. 18:21]

Liklega ætlar lafhrædd rikisstjórnin "baralim ann" eins og mingvasan hennar langömmu sem við guttarnir brutum i barnæsku.

[Thee, 19.10.2008 kl. 19:08]

Að fá IMF hingað er eins og að láta barnaníðing gæta barna sinna.

[Magnús Helgi Björgvinsson, 19.10.2008 kl. 19:15]

Og þú talar náttúrulega af reynslu. Þetta eru svona svipuð rök og notuð er gegn ESB aðild.

Sjóðurinn hefur verið endurskipulagður, við getum bæði lagt til okkar áætlun sem þeir fara yfir og við getum hafnað aðstoð frá þeim ef okkur lýst ekki á það sem okkur er boðið upp á.

Það eru að tapast hér tugi milljarðar á dag. Aðrar þjóðir vilja ekki aðstoða nema að fyrir liggi áætlun um hvernig við ætlum að snúa við blaði og borga af lánum og þær vilja að alþjóðagjaldeyrissjóðurinn koma hér að málum áður en þær íhuga að lána okkur gjaldeyri.

Við myndum örugglega gera eins í þeirra sporum.