Gamall skuldlaus skólamaður úr tengslum við raunveruleikan.

Held að Tryggvi fyrrum skólameistari sé búinn að gleyma því að fyrrum nemendur hans sitja nú uppi skuldug upp fyrir haus og eru að sjá lánin sín vaxa um fleiri tug prósenta. Þetta fólk er að upplifa nú að vita ekki hvort það heldur vinnu sinni og sér fram á hækkun á matvörum og í raun öllu sem það þarf að kaupa. Hann er búinn að gleyma því að þetta fólk var kannski að reyna að leggja fyrir og geymdi peninga kannski í hlutbréfum sem nú hafa strokast út.

Hann hlýtur að vita fólk í þessari aðstöðu er að reyna að sjá möguleika sína á að lifa af næstu mánuði og ár og fær lítil eða engin svör.

Sigmar var á ákveðinn hátt að reyna að kalla á svör sem ekki hafa fengist um leið og hann er að endurspegla að sú stefna sjálfstæðisflokks að aflétta reglum og lögum og láta markaðinn um að sjá um sig sjálfur sem og hafa slakt eftirlit með öllu er að bíða skipbrot. Eðlilegt að spyrja þá ákveðna spurninga og ganga hart eftir þeim. 

RÚV sagt kynda undir sleggjudómum og ofstæki

Athugasemdir

[Greta Björg Úlfsdóttir, 23.10.2008 kl. 11:39]

Auðvitað eiga fréttamenn að leitast við enduróma þær spurningar sem almenningur í landinu spyr sín á milli við svona aðstæður. Hvernig á sá almenningur annars að fá svör við því sem hann veltir vyrir sér?

[Bjorn Jonasson (IP-tala skráð) 23.10.2008 kl. 12:30]

Ætli það sé ekki samkenndin sem tengir þá saman, vinsælann fyrrverandi skólameistara og vinsælann forsætisráðherra. 

Flott Sigmar, með því að ganga hart fram er kannski möguleiki að það komi óvart fram eitthvað af þeim svörum sem fólk er að leita eftir, þau koma ekki fram í léttu spjalli við ráðherra.   Gamali góði elítuhroki íslenskra embættismanna hugnast mér ekki   

[Greta Björg Úlfsdóttir, 23.10.2008 kl. 12:53]

Annars held ég að sannleikurinn sé sá að ráðherrarnir hafi einfaldlega ekki nein svör ennþá um hvernig þetta fer. Og auðvitað varlegt að gefa út yfirlýsingar í fjölmiðlum meðan samningar standa yfir, eins og við höfum nýlegt dæmi um (þó að vísu væri bólan ekki alveg sprungin þá). Þannig að það er von að forsætisráðherra vefjist tunga um tönn.

[Magnús Helgi Björgvinsson, 23.10.2008 kl. 14:08]

En er það ásættanlegt? Er ekki alltaf að koma betur og betur í ljós að þessir menn áttu að vera fyrir löngu byrjaðir að vinda ofan af þessu brjálæði. Svo hafa þeir ótakmarkað aðgengi að landsins bestu sérfærðingum og geta ráðið fullt af sérfræðingum til að fara í þessi mál fljótt og vel. Og fara síðan að gefa okkur svör. Við mundum heimta þetta ef þetta væri t.d. einkafyrirtæki.

[Greta Björg Úlfsdóttir, 23.10.2008 kl. 14:34]

Við skulum sjá útkomuna hjá Sjáfstæðisflokknum í næstu kosningum, sem ég ætla rétt að vona að verði látnar fara fram fljótlega.

Fljótlega, það er að segja þegar búið er að bjarga bráðasta vandanum fyrir horn, og flokkunum hefur gefist ráðrúm til að koma sér saman um stefnumið, raða á lista og kynna þetta tvennt, sem sé að undirbúa kosningar eins og vera ber gagnvart okkur kjósendum.