Ætlar engin að tala um furðulega stöðu Sparisjóðana?

Heyrði í fréttum á ruv eða Stöð 2 í kvöld að Sparisjóðirnir eru í slæmum málum. Það vissu flestir en það sem ég hjó eftir og undrar mig er að skuld þeirra við Seðlabankann er aðallega til komin vegna þess að þeir tóku lán hjá Seðlabankanum sem þeir síðan lánuðu til bankana. Það sem ég skil ekki er af hverju voru Sparisjóðirnir að taka lán hjá Seðlabankanum til að lána svo yfir í Landsbanka, Kaupþing og Glitni. Hversvegna þurfti milliliði í þessum viðskiptum. Höfðu bankarnir ekki trygg veð? Og af hverju í ósköpunum voru svona litlir bankar að taka ábyrgð á svona gríðarlega háum lánum.

Af hverju fóru Sparisjóðirnir sem sannarlega eru byggðir upp á innleggjum fólks á hverjum stað út í þetta helvítis brask og vitleysu. Nú er ekki þannig að þeir hafi byggt á sömu gróða sjónarmiðum og einkabankarnir enda stofnfé í þeim hlutfallslega lítið. Nú hefur maður heyrt að bröskurum hafi tekist að slá hendi sinni á með vafasömum hætti, sjóði sem byggðust upp í þessum sparisjóðum og áttu að nýtast til þjóðþrifaverka og menningar  sem og að borga stofnfjáreigendum arð. En las á blogginu um daginn um hvernig þeir sjóðir eru að mestu horfnir nú. 

Sjá hér http://gunnaraxel.blog.is/blog/gunnaraxel/ 

Þetta er rosaleg lesning. Vek athygli á að þarna eru fullt af færslum um þetta mál

Baksvið: Viðvörunarljósin leiftruðu í þrjú ár