Það er eitthvað bölvað plott í gangi!!

Ég hef nú varið Samfylkinguna hér á blogginu hægri og vinstri. En nú síðustu daga hefur mér bara alls ekki líkað við þessi vinnubrögð sem hún ástundar. Það er ljóst miðað við það sem Össur sagði eftir þennan fund um að hann væri mjög ósáttur við stjórn Seðlabankans og hún ætti að fara og svo það sem Ingibjörg sagði að þar er ekki samhljómur. Held reyndar að þetta sé ákveðið plott sem er í gangi sem gengur út á að sameina Seðlabanka og fjármálaeftirlit undir Seðlabanka og þar með ný lög og nýtt fólk. En af hverju þarf að vera að pukrast svona með þetta. Er verið að hlífa Geir og Sjálfstæðisflokknum. Eða eru Sjálfstæðismenn að hóta stjórnarslitum??

Svona pukur kallar á sögusagnir og það er eitthvað sem við þurfum ekki ábót á í dag. Fólk er að öskra eftir því að að fá að vera með í ákvarðanatöku um framtíð Íslands. Það er ekki að sætta sig til lengdar við ákvarðanir sem eru teknar milli tveggja toppa í Stjórnarráðinu. Fólk vill upplýsingar og samræður við fólk sem er að sýsla með framtíð okkar.

Fundi Samfylkingar lokið

Athugasemdir

[Sigurjón Þórðarson, 19.11.2008 kl. 00:03]

Sæll Magnús, burt séð frá flokkapólitík þá er nauðsynlegt að það verði mikil umskipti og raunverulegar breytingar.

[Magnús Helgi Björgvinsson, 19.11.2008 kl. 00:26]

Sammál því Sigurjón Það þurfa að verða hér viðamiklar breytingar. Og hér þarf að koma þjóðinni að málum.

Ég t.d. undrast það þegar að 85% þjóðarinnar gæti haft aðgang að netinu að ekki séu t.d. þjóðarakvæðagreiðslur um öll meginmál okkar. Hér er það lítil þjóð að lýðræðið ætti að vera okkur auðvelt.

[Héðinn Björnsson, 19.11.2008 kl. 01:11]

Eitt er að ekki skuli vera atkvæðagreiðslur á netinu en að ekki einu sinni sé nein síða með upplýsingum frá ríkinu til almennings um stöðuna er bara skandall. Endalaust pukur og leynimakk er það síðasta sem mun endurvekja traust milli þjóðar og stjórnar. Það sagði mér einu sinni maður að það væri sama hversu klikkuð fyrirsögn væri um Mike Tyson hann myndi hallast að því að trúa henni og ég er að lenda í sömu stöðu með þessa ríkisstjórn. Það er varla til sá hlutur sem þú gætir logið að mér um þessa stjórn sem ég myndi geta útilokað. Slík stjórn mun aldrei geta unnið landinu gagn.