Hvað á Ingibjörg við?

Hvað er eiginlega að gerast í þessum flokki:

Hvernig dettur Ingibjörgu að segja þetta:

Segir hún að ekki verði efnt til kosninga í miðjum björgunarleiðangri.

Gerir hún sé ekki grein fyrir að í öllum ríkjum öðrum verður fólk að sæta ábyrgð. Hún er að styðja við einstaklinga eins og Davíð og fleiri með þessari stefnu. 

Hún er að styðja við það að stjórnendur bankana eru enn þá við störf mínus bankastjóra. Þetta er sama fólkið og var í samstarfi við fyrirtækin hér sem eru búin að skuldsetja sig fyrir milljarða tug eða hundruð. Og þetta fólk er enn þá að semja við þessi fyrirtæki um skuldaniðurfellingar og fólk trúir til alls.

Hún er að styðja við óbreytt yfirráð Sjálfstæðismanna 

Hún er að styðja við það að hér á landi beri engin ábyrgð 

Hún er að gera ómerkinga úr ráðherrum síns flokks og þingmönnum sem eru að endurspegla skoðanir innan úr flokknum.

Held enn þá að allsherjar plott sé í gangi bakvið tjöldin sem miði að markmiðum Samfylkingar. En við viljum bara ekki svona makk. Við viljum opið stjórnkerfi þar sem fólk veit hvað er að gerast. 

Athugasemdir

[Sigurjón Þórðarson, 21.11.2008 kl. 11:11]

Hún er búin að vera á leynifundum og makki með Geir Haarde og Davíð Oddssyni.

[j.a. (IP-tala skráð) 21.11.2008 kl. 11:41]

Ætlar þjóðin að láta bjóða sér þetta. Alþingismenn, standið þið nú upp druslurnar ykkar og fellið ríkisstjórnina. Það er ekki ráð nema að í tíma sé tekið.     ........háleistar, á alþingi komið ykkur burt, með því að fella ríkisstjórnina.  ISG. hefur ekki náð sér eftir veikindin,  Davíð er það veikur að honum verður ekki hjálpað.   Og hann Geir........ hann hefur svo mikla angist að hann getur enga ákvörðun tekið.  Og það er þetta tríó sem ræður ríkjum á Islandi.   Burtu með það.

[Bjarni Kjartansson, 21.11.2008 kl. 15:21]

ESB: Tilslakanir í veiði ólíklegar

Olli Rehn, framkvæmdastjóri stækkunarmála hjá ESB.

Olli Rehn, framkvæmdastjóri stækkunarmála hjá ESB, býst við að fiskveiðar verði erfiðasta úrlausnaefnið í hugsanlegum aðildarviðræðum við Ísland. Hann segir Íslendinga tæpast geta átt von á verulegum tilslökunum frá sjávarútvegsstefnu sambandsins.

Embættismenn í Brussel telja að Ísland geti fengið inngöngu í ESB innan fárra ára en framvinda aðildarviðræðna ráði þó miklu í því sambandi. Íslensk stjórnvöld þurfa vitanlega fyrst af öllu að leggja fram umsókn og að sögn Rehns fengi leiðtogaráð ESB þá framkvæmdastjórnina til að leggja á hana mat.

Rehn segir einhverjar tilslakanir á stefnunni mögulegar en þó geti Íslendingar ekki búist við að fá meiriháttar undanþágur frá henni.

Hans Martens, hjá hugveitunni European Policy Centre, býst einnig við að sjávarútvegsmál verði erfiðasta úrlausnarefnið en hann hvetur Íslendinga til að reyna að breyta stefnu ESB innan frá.

Svona til ígrundunar yfir helgina.

Lesa hægt, svo þú skiljir hvað þarna er sagt BEINUM ORÐUM.

Svo ættir þú að geta náð í  tildskipanir ESB um Orkuver sölu og dreyfingu orkunnar og framleiðslu hennar, heildsölu og hvað eina sem að orkumálum kemur.

ÞAð er athygliverð  lesnig MJÖG SVO.

Njóttu hugleiðingarinnar

Miðbæjaríhaldið

[Magnús Helgi Björgvinsson, 21.11.2008 kl. 20:39]

Svona eins og menn hafa farið hér með þjóðareign okkar þá er nú megnið af kvótanum veðsett og stór hluti erlendis. Þannig að ég hef ekki miklar áhyggjur af því. Minni á að t.d. er það óþekktur útgerðamaður frá Bolungarvík sem fékk 25 milljarða lánaða hjá Glitini til að kaupa í Glitni. Og við persónulega almennignur höfum lítin arð af fiski. Þessi fyrirtæki borga litla skatta þar sem að þau eru rekin á lánum og með uppsöfnuð töp. Einu sem græða eru þeir sem lifa á því að leigja þennan kvóta á okurverði.

Orkan og orkuverð hér er nú bundin í samningum til stóriðju að 4/5. Orkusölur hér skulda gríðarlega. Við allmenningur höfum hingað til ekki notið þess í orkuverði að eiga öll þessi orkuver.

[Kristbjörg Þórisdóttir, 21.11.2008 kl. 22:04]

Sammála Maggi þjóðin krefst þess að allt sé uppi á borðum og allt sé hreint og beint. Það er það minnsta sem hægt er að gera eftir það sem á undan er gengið.

En takk fyrir ábendinguna :) Ég held rosalega upp á Samferða lagið og finnst Pálmi og Mannakorn líka hafa gert því góð skil. Þetta ætti nú bara að vera kreppulagið! Á vel við!

[Magnús Helgi Björgvinsson, 21.11.2008 kl. 22:12]

Við vitum hvernig svo mál væru tækluð í ákveðinni  ríkisstofnun. Það væri strax ráðist í að bæta fyrir mistökin, en um leið hæfist rannsókn á þvi hvernig þetta gat gerst. Á meðan væru viðkomandi ekki við störf og þeim jafnvel sagt upp strax

Sammála þér Kidda þetta lag á einstaklega vel við og angurvær söngur Lay Low og KK er einkar viðeigandi.  Gangi þér vel í prófinu.