Búinn að finna orsökina fyrir hruni Íslands

Á slóðinni http://www.nornabudin.is/sapuopera/2008/11/vargastefna.html fann ég yfirlýsingu sem Eva Hausdóttir móðir Bónusflaggarans setur þar fram:

Vargastefna
Þann 9. nóvember í fyrra gól ég seið gegn stóriðjustefnunni á Austurvelli. Vinnubrögðum alþingis var reist níðstöng, enda er hlutverk þingsins sem útverði lýðræðisins löngu orðið hlálegt. Ég særði vættir landsins til aðgerða og skoraði á þær:

-að opna augu almennings fyrir gagnsleysi þeirrar taumlausu neysluhyggju sem knýr okkur til að þrautpína náttúruna, kvelja dýr og brjóta gegn mannréttindum,
-að fletta ofan af stjórnvöldum, stórfyrirtækjum og einstaklingum sem með valdníðslu, spillingu og óhóflegri auðsöfnun stofna náttúru landsins, lýðræði og sjálfstæði í voða, og koma þeim frá völdum
-að klekkja svo illa á álrisunum að þeir hundskist burt frá þessu landi með stórtjón á bakinu.

Galdrar virka -en yfirleitt ekki á þann hátt sem maður reiknaði með. Ég beið eftir jarðskjálfta á Kárahnjúkasvæðinu. Hann hefur reyndar látið á sér standa en álverð í heiminum hefur hríðlækkað og það er allavega á hreinu á almenningur er búinn að sjá í gegnum spillingaröflin

 

Þarna er auðséð að henni hefur misheppnast hrapalega og nú sitjum við í súpunni vegna þess. Og því sting ég upp á að fólk safnist saman og beri hana út úr Nornabúiðinni. Því hún er auðsjáanlega að starfa við eitthvað sem hún hefur enga stjórn á. Hún gerði Ísland nærri gjaldþrota.

Og nú ætlar hún að koma á ástandi hér sem líkjast skálmöld því hún segir:

 

Nú þarf að gera enn betur og klára dæmið. Ég ætla því, þann 1. desember að halda vargastefnu við Stjórnarráðið. Ég mun særa fram reiði þjóðarinnar í vargslíki, vættum landsins til hjálpar.

Frá stjórnarráðinu verður svo haldið að Seðlabankanum. Við munum skora á Davíð Oddson að segja af sér og fáum við ekki viðunandi svör, munum við skunda þangað inn og bera hann út -öðrum til varnaðar.

Það er nokkuð ljóst að Ísland á sér ekki viðreisnar von ef Nornir eru að taka völdin hér.

Lög um gjaldeyrismál samþykkt

Athugasemdir

[Katrín Snæhólm Baldursdóttir, 28.11.2008 kl. 10:22]

Nornir voru nú oftast góðar og vitrar konur sem kunnu skil á öllu því sem læknaði og heilaði alls kyns aðstæður og þóttu þyrnir í augum þeirra sem með valdníðslu níddust á fólkinu sínu. Ef ekkert annað virkar á þetta spillingarlið en galdur og seiður þá má alveg prófa það ef allt annað eins og t.d lýræðishugsun og réttlæti virkar ekki.

[Magnús Helgi Björgvinsson, 28.11.2008 kl. 11:00]

En það er verra ef að við erum nú að súpa seiðið af seiði sem hún gól í fyrra. Þetta hlýtur að vera orsökin fyrir stöðu mála hér! :)

[Guðmundur Ásgeirsson, 28.11.2008 kl. 14:32]

Pólitískar Nornaveiðar í uppsiglingu. Heykvíslar á loft, lengi lifi byltingin!